[ad_1]
ରାଉରକେଲା: ରାଉରକେଲା ପାନପୋଷ ଛକ ନିକଟରୁ ଦୁଇ ଅନ୍ତଃରାଜ୍ୟ ନିଶାବେପାରୀଙ୍କୁ ଗିରଫ କରିଛି ଭୁବନେଶ୍ବର ଏସ୍ଟିଏଫ୍ ଟିମ୍। ସେମାନେ ହେଲେ, ଝାଡ଼ଖଣ୍ଡ ଖୁଣ୍ଟି ଜିଲ୍ଲା ଅନ୍ତର୍ଗତ ସିଗିଡ଼ର ବିଟୁ ସିଂହ ମୁଣ୍ଡା (୪୬) ଏବଂ ରୋହିତ ମୁଣ୍ଡା (୪୯)। ସେମାନଙ୍କ ନିକଟରୁ ଏସ୍ଟିଏଫ୍ ଟିମ୍ ୧୦ କେଜି ୫୦୮ ଗ୍ରାମ୍ ଅଫିମ୍ ଜବତ କରିଛି। ଗିରଫ ଦୁଇ ନିଶା ବେପାରୀ ରାଜସ୍ଥାନରୁ ଚୋରାରେ ଅଫିମ୍ କିଣି ସୁନ୍ଦରଗଡ଼, ରାଉରକେଲା ଓ ଝାଡ଼ଖଣ୍ଡରେ ବିକ୍ରି ପାଇଁ ଆସୁଥିବା ଗୁଇନ୍ଦା ସୂଚନା ମିଳିଥିଲା। ଗୁରୁବାର ସକାଳେ ସୂଚନା ଆଧାରରେ ଭୁବନେଶ୍ବର ଏସ୍ଟିଏଫ୍ ଟିମ୍ ସ୍ଥାନୀୟ ପୁଲିସ ସହାୟତାରେ ରାଉରକେଲା ପାନପୋଷ ଛକ ନିକଟରେ ଚଢ଼ଉ କରି ଦୁଇ ନିଶାବେପାରୀଙ୍କୁ କାବୁ କରିଥିଲା। ଯାଞ୍ଚବେଳେ ସେମାନଙ୍କ ବ୍ୟାଗ୍ରୁ ୧୧ଟି ପ୍ୟାକେଟ୍ ଅଫିମ୍ ମିଳିଥିଲା। ଏସ୍ଟିଏଫ୍ ୧୧ପ୍ୟାକେଟ୍ ଅଫିମ୍ର ବିଲ୍ ଓ ଆବଶ୍ୟକୀୟ କାଗଜପତ୍ର ଦେଖାଇବାକୁ ଦୁଇ ବେପାରୀଙ୍କୁ କହିଥିଲା। ହେଲେ ଦୁହେଁ ଅଫିମ୍ର ଆବଶ୍ୟକୀୟ କାଗଜପତ୍ର ଦେଖାଇ ପାରିନଥିଲେ। ଘଟଣାସ୍ଥଳରୁ ଏସ୍ଟିଏଫ୍ ଦୁଇ ବେପାରୀଙ୍କୁ ଗିରଫ କରିବା ସହ ସମସ୍ତ ଅଫିମ୍ ଜବତ କରିଥିଲା। ଘଟଣାର ଅଧିକ ତଦନ୍ତ ପାଇଁ ଏସ୍ଟିଏଫ୍ ମଧ୍ୟପ୍ରଦେଶ ପୁଲିସ ଓ ଗ୍ବାଲିୟର୍ର ସେଣ୍ଟ୍ରାଲ ବ୍ୟୁରୋ ଅଫ୍ ନାର୍କୋଟିକ୍ ସହ ଯୋଗାଯୋଗ କରିଛି।
[ad_2]
