ଇରାନ ଉପରେ ଇସ୍ରାଏଲର କାଉଣ୍ଟର ଆକ୍ରମଣକୁ ଆମେରିକା ସମର୍ଥନ କରିବ ନାହିଁ – ବାଇଡେନ୍ – Ibnodisha
[ad_1]
ୱାସିଙ୍ଗଟନ : ଇରାନ ଓ ଇସ୍ରାଏଲ ମଧ୍ୟରେ ଲାଗି ରହିଥିବା ବିବାଦ ଏବେ ଯୁଦ୍ଧରେ ପରିଣତ ହୋଇଛି। ମଧ୍ୟ ପ୍ରଚ୍ୟାରେ ସ୍ଥିତି ବିଗିଡିବା ସହ ଯୁଦ୍ଧ ଆରମ୍ଭ ହୋଇଛି । ଗତ ରାତିରେ ଇସ୍ରାଏଲ ଉପରେ ଇରାନ ୨୦୦ରୁ ଅଧିକ କ୍ଷେପଣାସ୍ତ୍ର ମାଡ଼ କରିବା ସହ ଡ୍ରୋନ ଆକ୍ରମଣ କରିଛି। ଏହାକୁ ନେଇ ତୃତୀୟ ବିଶ୍ୱଯୁଦ୍ଧ ଆଶଙ୍କା ଦେଖାଦେଇଛି । ଇସ୍ରାଏଲ ଉପରେ ଇରାନର ଆକ୍ରମଣ ପରେ ଆମେରିକା ସତର୍କ ହୋଇପଡିଛି। ବର୍ତ୍ତମାନ ଏହାକୁ ନେଇ ବଡ ପଦକ୍ଷେପ ନେବାକୁ ଯାଉଛି ଆମେରିକା। ପ୍ରଥମ ପଦକ୍ଷେପ ଭାବରେ, ଇରାନ-ଇସ୍ରାଏଲ ଯୁଦ୍ଧର ସମ୍ଭାବନାକୁ ଦୃଷ୍ଟିରେ ରଖି ଜୋ ବାଇଡେନ ତୁରନ୍ତ ଜି -୭ ନେତାଙ୍କ ସହ ବୈଠକ କରିଛନ୍ତି। ପରବର୍ତ୍ତୀ ପରିସ୍ଥିତି ଉପରେ କ’ଣ କାର୍ୟ୍ୟାନୁଷ୍ଠାନ ଗ୍ରହଣ କରାଯିବ ସେ ନେଇ ଆଲୋଚନା ହୋଇଛି।
ଆମେରିକୀୟ ରିପୋର୍ଟ ଅନୁଯାୟୀ, ଇରାନ ଉପରେ ଇସ୍ରାଏଲର କାଉଣ୍ଟର ଆକ୍ରମଣକୁ ଆମେରିକା ସମର୍ଥନ କରିବ ନାହିଁ ବୋଲି ବାଇଡେନ୍ ନେତାନ୍ୟାହୁଙ୍କୁ କହିଛନ୍ତି। ଇରାନ୍ର ଆକ୍ରମଣକୁ ନିଷ୍ଠୁର କହିବା ସହ ବିଡେନ କହିଛନ୍ତି ଯେ ଆମେରିକା ଇସ୍ରାଏଲର କାଉଣ୍ଟର ଆକ୍ରମଣକୁ ବିରୋଧ କରିବ ଏବଂ ସେ ଏଭଳି କୌଣସି କାର୍ୟ୍ୟରେ ଭାଗ ନେବ ନାହିଁ। ସେପଟେ ଇରାନ ଆକ୍ରମଣକୁ ନିନ୍ଦା କରି ଜାତିସଂଘର ମହାସଚିବ ଆଣ୍ଟୋନିଓ ଗୁଟେରସ୍ କହିଛନ୍ତି ଯେ ମଧ୍ୟ ପୂର୍ବ କିମ୍ବା ବିଶ୍ୱ ଅନ୍ୟ ଯୁଦ୍ଧକୁ ସହ୍ୟ କରିପାରିବ ନାହିଁ। ସଂଯମତା ବଜାୟ ରଖିବାକୁ ଏବଂ ମଧ୍ୟ ପୂର୍ବରେ ଉତ୍ତେଜନା ବୃଦ୍ଧି କରୁଥିବା ଯେକୌଣସି କାର୍ୟ୍ୟକଳାପରୁ ଦୂରେଇ ରହିବାକୁ ସେ ସମସ୍ତ ଦଳଙ୍କୁ ନିର୍ଦ୍ଦେଶ ଦେଇଛନ୍ତି।
[ad_2]