[ad_1]
ଭୁବନେଶ୍ୱର: ୟୁଜିସି-ନେଟ୍ ପରୀକ୍ଷା ତାରିଖରେ ପରିବର୍ତ୍ତନ କରାଯାଇଛି । ଏବେ ୟୁଜିସି-ନେଟ୍ ପରୀକ୍ଷା ଜୁନ୍ ୧୬ ରବିବାର ପରିବର୍ତ୍ତେ ଜୁନ୍ ୧୮ ମଙ୍ଗଳବାର ଦିନ ଅନୁଷ୍ଠିତ ହେବ । ୟୁଜିସି ମୁଖ୍ୟ ଜଗଦୀଶ କୁମାର ମାଇକ୍ରୋବ୍ଲଗିଂ ସାଇଟ୍ ‘ଏକ୍ସ’ରେ ଏ ନେଇ ସୂଚନା ଦେଇଛନ୍ତି । ଜଗଦୀଶ କୁମାର ଆହୁରି ମଧ୍ୟ ଲେଖିଛନ୍ତି ଯେ ଏହି ପରୀକ୍ଷା ଓଏମ୍ଆର ମୋଡରେ ହେବ । ଖୁବଶୀଘ୍ର ଏ ନେଇ ଔପଚାରିକ ବିଜ୍ଞପ୍ତି ଜାରି କରାଯିବ । ସୂଚନା ଅନୁଯାୟୀ, ଜୁନ୍ ୧୬ରେ ୟୁପିଏସସି-ମେନ୍ସ ପରୀକ୍ଷା ହେବାକୁ ଥିବାରୁ ଛାତ୍ରଛାତ୍ରୀମାନଙ୍କ ଅନୁରୋଧକ୍ରମେ ୟୁଜିସି ନେଟ୍ ପରୀକ୍ଷା ତାରିଖରେ ପରିବର୍ତ୍ତନ କରାଯାଇଛି । କେନ୍ଦ୍ରୀୟ ଲୋକସେବା ଆୟୋଗ ଦ୍ୱାରା ପୂର୍ବରୁ ଦିଆଯାଇଥିବା ୟୁପିଏସସି ପରୀକ୍ଷା କ୍ୟାଲେଣ୍ଡର ଅନୁଯାୟୀ ୟୁପିଏସସି ମେନ୍ସ ପରୀକ୍ଷା ମେ ୨୬, ୨୦୨୪ (ୟୁପିଏସସି ମେନ୍ସ ୨୦୨୪ ତାରିଖ) ରେ ଅନୁଷ୍ଠିତ ହେବାର ଥିଲା ।
କିନ୍ତୁ ସାରା ଦେଶରେ ଲୋକସଭା ନିର୍ବାଚନ ଥିବାରୁ ଏହାକୁ ସ୍ଥଗିତ ରଖିବାକୁ ପଡ଼ିଥିଲା । ଏହାପରେ ୟୁପିଏସସି ଏକ ନୂଆ କାର୍ଯ୍ୟସୂଚୀ ଜାରି କରିଥିଲା ଏବଂ ଏଥିରେ ମୁଖ୍ୟ ପରୀକ୍ଷା ର ତାରିଖ ଜୁନ୍ ୧୬, ୨୦୨୪ ଦର୍ଶାଯାଇଥିଲା । ସେହିପରି ୟୁଜିସି ନେଟ୍ ପରୀକ୍ଷାର କାର୍ଯ୍ୟସୂଚୀ ପୂର୍ବରୁ ସ୍ଥିର ହୋଇସାରିଥିଲା । ଏହି ପରୀକ୍ଷା ଜୁନ୍ ୧୬, ୨୦୨୪ (ୟୁଜିସି ନେଟ୍ ୨୦୨୪ ତାରିଖ)ରେ ଧାର୍ଯ୍ୟ ହୋଇଥିଲା ।
[ad_2]
