ବିନା ଡ୍ରାଇଭରରେ ଗଡୁଛି ଗାଡ଼ି । ତା ପୁଣି ସରକାରୀ ଗାଡ଼ି । ଟିକିଏ ଭୁଲ ହୋଇଥିଲେ ଘଟିଥାନ୍ତା ବଡ଼ ଅଘଟଣ । କଥାଟି ଆଶ୍ଚର୍ଯ୍ୟ ଲାଗୁଥିଲେ ବି ସତ । କାରଣ ସୋସିଆଲ ମିଡିଆରେ ଏମିତି ଏକ ଭିଡିଓ ଭାଇରାଲ ହେଉଛି, ଯାହା ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଛି ।
ଗାଡି ଗଡୁଛି ସାଇଁ ସାଇଁ । ହେଲେ ସିଟରେ ନାହାନ୍ତି ଡ୍ରାଇଭର । ତା ପୁଣି ଏମିତି ସେମିତି ଗାଡ଼ି ନୁହେଁ, ସରକାରୀ ଗାଡ଼ି ।
ପୁଣେ ସହରର ମ୍ୟୁନିସିପାଲଟି ଗାଡି ଅର୍ଥାତ ନଗର ନିଗମ ଗାଡ଼ି ବିନା ଡ୍ରାଇଭରରେ ଗଡୁଥିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଗାଡ଼ିରେ ଡ୍ରାଇଭର ନଥିବା ବେଳେ ଗାଡିଟି ରିଭର୍ସ ଗିୟରରେ ଗଡୁଥିବାର ଭିଡିଓରେ ଦେଖିବାକୁ ମିଳିଛି ।
ଘଟଣାଟି ମହାରଷ୍ଟ୍ର ପୁଣେ ସହରର ହଡପସର ଅଞ୍ଚଳରେ ଘଟିଛି । ଯେଉଁଠି ନଗର ନିଗମର ଗାଡି ପଛୁଆ ଗଡୁଥିବାର ଦେଖିବାକୁ ମିଳିଥିଲ।। ଯାହାକୁ ଦେଖି ସେଠାରେ ଉପସ୍ଥିତ ଲୋକ ଆଶ୍ଚର୍ଯ୍ୟ ହେଲେ । ଭାଗ୍ୟବଶତଃ ସେହି ସମୟରେ କୌଣସି ଗାଡ଼ି ତା ଆଖପାଖରେ ନଥିଲା । ଯାହା ପାଇଁ ବଡ଼ ଦୁର୍ଘଟଣା ବର୍ତ୍ତିଗଲା । କିଛି ସମୟ ଗାଡି ଗଢିବା ପରେ ଡିଭାଇଡରରେ ମାଡ଼ ହୋଇ ଅଟକିଗଲା । ତେବେ ଏପରି ଘଟଣା କାହିଁକି ଘଟିଲା ଓ କିଭଳି ହେଲା, ସେନେଇ କୌଣସି ସୂଚନା ମିଳିନାହିଁ ।
