ବାଲେଶ୍ବର: ବାଲେଶ୍ବରରେ ଫୁଟିଲା ଗୁଳି । ବାଲିଆ ନିକଟରେ ଜିମ୍ ରୁ ଫେରିବା ବେଳେ ଯୁବକଙ୍କୁ ଗୁଳିମାଡ଼ ହୋଇଛି । ଯୁବକଙ୍କ ନାମ ମନୋରଞ୍ଜନ ବିନ୍ଧାଣୀ । ୨ ଜଣ ଦୁର୍ବୃତ୍ତ ଗୁଳିମାଡ଼ କରିଥିବା ସୂଚନା ମିଳିଛି । ସଙ୍ଗେ ସଙ୍ଗେ ଗୁରୁତର ଅବସ୍ଥାରେ ଯୁବକଙ୍କୁ ବାଲେଶ୍ଵର ଚିକିତ୍ସାଳୟରେ ଭର୍ତ୍ତି କରାଯାଇଛି । ପରେ ପୋଲିସ୍ ଖବର ପାଇ ଘଟଣାସ୍ଥଳରେ ପହଞ୍ଚି ଅଧିକ ଛାନଭିନ୍ ଜାରି ରଖିଛି।
ତେବେ କେଉଁ କାରଣରୁ ଯୁବକଙ୍କୁ ଗୁଳିମାଡ କରାଯାଇଛି, ସେ ନେଇ କୌଣସି ସ୍ପଷ୍ଟ ସୂଚନା ମିଳି ନାହିଁ । କିଏ ଓ କାହିଁକି ଯୁବକଙ୍କୁ ଗୁଳିମାଡ଼ କଲା କାରଣ ଅସ୍ପଷ୍ଟ ରହିଛି।
ସୂଚନା ଅନୁସାରେ ଗତକାଲି ସୁବର୍ଣ୍ଣପୁର ଜିଲ୍ଲା ବିନିକା ଥାନା ଚୁଲିମାଲ ଗାଁରେ ପୋଲିସ ଗୁଳିରେ ୨ ଜଣଙ୍କର ମୃତ୍ୟୁ ହୋଇଥିଲା । ମୃତକ ହେଲେ ସୋନପୁର ବିଧାୟକଙ୍କ ପିଏସଓ ମନୋଜ ଝାଙ୍କର ଓ ସମ୍ପର୍କୀୟ ଭାଇ ଶେଷଦେବ ଝାଙ୍କର । ଘଟଣା ଉପରୁ ଏଯାଏ ହଟୁନି ପରଦା । ଗତକାଲି ଗୁଳି ଫୁଟି ସୋନପୁର ବିଧାୟକଙ୍କ ପିଏସଓ ମନୋଜ ଝାଙ୍କର ଓ ଭାଇ ଶେଷଦେବ ଝାଙ୍କରଙ୍କ ମୃତ୍ୟୁ ହୋଇଛି । ଘଟଣାସ୍ଥଳରେ ମନୋଜଙ୍କ ସର୍ଭିସ ରିଭଲଭର ଓ ଏକ ଅଫୁଟା ଗୁଳି ଜବତ ହୋଇଛି । ତେବେ କେଉଁ ପରିସ୍ଥିତିରେ ଗୁଳି ଫୁଟିଲା ଓ କିଏ ଗୁଳିକାଣ୍ଡ କରିଛି, ତାହା ଅସ୍ପଷ୍ଟ ରହିଛି ।
