କେନ୍ଦ୍ରାପଡ଼ା ଜିଲ୍ଲା ବାଲିସୁଆଁର ନିର୍ମଳ ସ୍ୱାଇଁଙ୍କ ଘରେ ଗତକାଲିର ଏ ଲୋମଟାଙ୍କୁରା ଘଟଣା, ପୁଣି ଯୌତୁକ ରାକ୍ଷସଙ୍କ ଲୋଭର କୁତ୍ସିତ ପରିଣତିକୁ ଜନମାନସରେ ଉଜାଗର କରିଛି। ଯୌତୁକ ନିଆଁରେ କଲବଲ ହୋଇ ଜଳିଗଲା ପୁଣି ଜଣେ ବୋହୂ। ରାତି ଅଧରେ ଜୀଅନ୍ତା ଜାଳି ଦେବାକୁ ଜଘନ୍ୟ ଉଦ୍ୟମ କରିଥିଲେ ଶାଶୁ ଓ ନଣନ୍ଦ।
ସେହି ଯୌତୁକ ରାକ୍ଷସରୂପୀ ମଣିଷ ଭାରତୀଙ୍କ ଶରୀରରେ ଲାଗିଥିବା ନିଆଁ ପରେ ଘର ସାରା ବ୍ୟାପି ଯିବାରୁ ସମ୍ପୂର୍ଣ୍ଣ ପୋଡ଼ି ଯାଇଛି ୩ ବଖରା। ହୁ ହୁ ଜଳୁଥିବା ନିଆଁକୁ ଖାତିର ନକରି କବାଟ ଭାଙ୍ଗି ମୂମୁର୍ଷୁ ଅବସ୍ଥାରେ ଭାରତୀ ଓ ତାଙ୍କ ଝିଅକୁ ଉଦ୍ଧାର କରି ଅାଣିଥିଲେ ଗାଁ ଲୋକେ । ଅାଉ ମୋବାଇଲରେ ରେକର୍ଡ କରିଥିଲେ ଭାରତୀଙ୍କ ବୟାନ। ନିର୍ମଳଙ୍କ ଅନୁପସ୍ଥିତିରେ ପତ୍ନୀ ଭାରତୀଙ୍କୁ ହାତଗୋଡ଼ ବାନ୍ଧି କିରାସିନି ଢାଳି ଅତି ନିର୍ମମ ଭାବେ ହତ୍ୟା ଉଦ୍ୟମ କରିଥିଲେ ନିର୍ମଳଙ୍କ ମାଅା ଓ ଭଉଣୀ। ଏମିତିକି ତାଙ୍କର ୬ ମାସର କଅଁଳା ଝିଅକୁ ବି ଛାଡ଼ିନଥିଲେ।
୫ମାସ ତଳେ ସମାନ ଘଟଣା ନଜରକୁ ଅାସିଥିଲା ଖୋର୍ଦ୍ଧା ଜିଲ୍ଲା ଡିଙ୍ଗର ଗାଁରୁ। ଅଧିକ ଯୌତୁକ ପାଇଁ ସ୍ୱାମୀ, ଶ୍ୱଶୁର ଓ ଶାଶୁ ମିଶି ବୋହୂକୁ କିରାସିନି ଢାଳି ଜୀଅନ୍ତା ଜାଳିଦେବାକୁ ଉଦ୍ୟମ କରିଥିଲେ। ଅାଉ ମେଡିକାଲରେ ମୃତ୍ୟୁ ପୂର୍ବରୁ ପୀଡ଼ିତା ବଖାଣିଥିଲେ ଲୋମଟାଙ୍କୁରା ଘଟଣା।
