ଆକର୍ଷଣୀୟ ହେଉନି ଯାନ ସ୍କ୍ରାପିଂ ନୀତି, ନୂଆ ଦିଗ ଉପରେ ତର୍ଜମା କରିବ କେନ୍ଦ୍ର

ସୋସାଇଟି ଅଫ୍ ଇଣ୍ଡିଆନ ଅଟୋମୋବାଇଲ ମାନୁଫାକ୍ଚର୍ସ (ସିଆମ)ର ଏକ କାର୍ଯ୍ୟକ୍ରମରେ ଯୋଗ ଦେଇ ଅନୁରାଜ ଜୈନ କହିଛନ୍ତି, ଲୋକେ କହୁଛନ୍ତି ଯଦି ଯାନକୁ ଠିକ୍ ଭାବେ ରକ୍ଷଣାବେକ୍ଷଣ କରାଯାଇଛି କାହିଁକି ଏହାକୁ ସ୍କ୍ରାପ କରାଯିବ । ୧୫ ବର୍ଷ ପରିବର୍ତ୍ତେ ଯାନଗୁଡିକର ପ୍ରଦୂଷଣ ସ୍ତରକୁ ବିଚାର କରାଯାଉ । ଉଦାହରଣ ଭାବେ ଦେଖିଲେ ବିଏସ୍-୧, ବିଏସ୍-୨ ପୂର୍ବ ଯାନଗୁଡିକ ଅଧିକ ପ୍ରଦୂଷଣ କରିଥାନ୍ତି । ତେବେ ପ୍ରଦୂଷଣ ପ୍ରମାଣପତ୍ର ଜାରି କରୁଥିବା ଏଜେନ୍ସିଗୁଡିକ ଠିକ୍ ପ୍ରମାଣପତ୍ର ଦେବା ଜରୁରୀ । ସ୍କ୍ରାପିଂକୁ କିଭଳି ଆକର୍ଷଣୀୟ କରାଯିବ, ସେ ନେଇ ଶିଳ୍ପ ସହ ଆଲୋଚନା କରିବା ପରେ ବିଭିନ୍ନ କାର୍ଯ୍ୟକ୍ରମ ଗ୍ରହଣ କରିବେ ସରକାର । ଏବେ ସ୍କ୍ରାପିଂ ନୀତିରେ ୧୫ ବର୍ଷରୁ ଊର୍ଦ୍ଧ୍ୱ ଯାନଗୁଡିକର ସ୍କ୍ରାପିଂ କରାଇବା ନିୟମ ରହିଛି । ଭାରୀ ବାଣିଜ୍ୟିକ ଯାନଗୁଡିକୁ ଫିଟ୍ନେସ ଟେଷ୍ଟ କରାଇବାକୁ ପଡୁଛି । ତେବେ ବିଭିନ୍ନ ରାଜ୍ୟରେ ଏହି କାର୍ଯ୍ୟକ୍ରମକୁ ଏତେଟା ଆଦୃତି ମିଳିପାରିନାହିଁ ।

ନିକଟରେ କେନ୍ଦ୍ର ଅର୍ଥମନ୍ତ୍ରୀ ନୀତିନ ଗଡକରି କହିଥିଲେ, ଶିଳ୍ପ ସଂସ୍ଥା ଗୁଡିକ ଯାନ ସ୍କ୍ରାପିଂକୁ ଗ୍ରହଣ କରି ନୂଆ ଯାନ କିଣିବାକୁ ଉତ୍ସାହିତ କରିବା ଲାଗି ଆକର୍ଷଣୀୟ ରିହାତି ଦେବା ଆବଶ୍ୟକ । ଏହା ଦ୍ୱାରା ପ୍ରଦୂଷଣ କମିବା ସହ ଷ୍ଟିଲ ଲାଗି ବିଦେଶ ଉପରେ ନିର୍ଭର କରିବାକୁ ପଡିବନି । ଉଭୟ ଗଡକରି ଏବଂ ଜୈନଙ୍କ ମୁତାବକ, ଭାରତ ନ୍ୟୁ କାର ଆସେସମେଣ୍ଟ କାର୍ଯ୍ୟକ୍ରମ (ବିଏନ୍କ୍ୟାପ) ଏବଂ ଅନ୍ୟ ପଦକ୍ଷେପ ଆସିବା ପରେ ମଧ୍ୟ ଦୁର୍ଘଟଣା କମୁନି । ପ୍ରତିବର୍ଷ ୫ ଲକ୍ଷରୁ ଊର୍ଦ୍ଧ୍ୱ ଦୁର୍ଘଟଣା ଘଟୁଛି । ୨୦୨୨ରେ ଦୁର୍ଘଟଣାରେ ୧.୬୮ ଲୋକଙ୍କ ଜୀବନ ଚାଲିଯାଇଥିଲା । ଏବେ ଅଧିକାଂଶ ଦୁର୍ଘଟଣା ୨ ଚକିଆ ଯାନ ଯୋଗୁ ହେଉଛି । ଏହି ବର୍ଗର ଯାନଗୁଡିକୁ କିଭଳି ସୁରକ୍ଷିତ କରାଯାଇପାରିବ ସେ ନେଇ ଶିଳ୍ପକୁ ନିବେଦନ କରିଛନ୍ତି ଅନୁରାଜ ଜୈନ । ସେ ପୁଣି କହିଛନ୍ତି, କେନ୍ଦ୍ର ସରକାର ଏବେ ବିଏସ୍-୭ ଉପରେ ପରାମର୍ଶ ଗ୍ରହଣ କରୁଛନ୍ତି । ଦେଶର ଅର୍ଥନୀତିରେ ଅଟୋମୋବାଇଲ ଶିଳ୍ପ ଏକ ଗୁରୁତ୍ୱପୂର୍ଣ୍ଣ କ୍ଷେତ୍ର ହୋଇଥିବାରୁ ୨୦୪୭କୁ ନଜରରେ ରଖି ବିଭିନ୍ନ କାର୍ଯ୍ୟକ୍ରମ ଗ୍ରହଣ କରାଯାଇଛି । ଏହି କ୍ଷେତ୍ର ୩୫ ନିୟୁତ ଲୋକଙ୍କୁ ନିଯୁକ୍ତି ପ୍ରଦାନ କରିଛି । ଏ କ୍ଷେତ୍ରରେ ନୀତି ନିର୍ଦ୍ଧାରଣ ବେଳେ ସରକାର ବିଭିନ୍ନ ଦିଗକୁ ବିଚାର କରୁଛନ୍ତି । ଏହା ଶିଳ୍ପ ଅଂଶୀଦାରଙ୍କ ଲାଗି ଯେଭଳି କୌଣସି ସମସ୍ୟା ନ ଆଣେ, ତାକୁ ଧ୍ୟାନରେ ରଖି ପରାମର୍ଶ କାର୍ଯ୍ୟକ୍ରମ ଗ୍ରହଣ