ସମାଜ ଡିଜିଟାଲ ଡେସ୍କ: କଟକ ଜିଲା ନିଶ୍ଚିନ୍ତକୋଇଲି ଏସଆର ବାର୍ ଉପରେ ଅବକାରୀ ବିଭାଗ ଚଢ଼ାଉ କରିଛି। ଘଟଣା ସ୍ଥଳରୁ ବିପୁଳ ପରିମାଣର ନକଲି ବିଦେଶୀ ମଦ ଜବତ ହୋଇଛି। ଘଟଣାରୁ ପ୍ରକାଶ, ଗୁରୁବାର ଅବକାରୀ ବିଭାଗର ୧୦ଜଣିଆ ଟିମ୍ ଏସଆର ବାର୍ ମାଲିକଙ୍କ ଘର ଭଦ୍ରେଶ୍ୱର ଥାନା ପ୍ରହରାଜପୁରଠାରେ ଚଢ଼ାଉ କରି ନକଲି ବିଦେଶୀ ମଦ ସହିତ ବ୍ୟବହାର ହେଉଥିବା ବୋତଲ ଲୋଗୋକୁ ଜବତ କରିଛନ୍ତି।
ଏଥିସହ ନିଶ୍ଚିନ୍ତକୋଇଲି ଏସଆର ବାର୍ ଉପରେ ଚଢ଼ାଉ କରି ବିପୁଳ ପରିମାଣର ଲକ୍ଷାଧିକ ଟଙ୍କାର ନକଲି ବିଦେଶୀ ମଦ ଜବତ କରିବା ସହିତ ୫ଜଣଙ୍କୁ ଗିରଫ କରିଛି ଅବକାରୀ ବିଭାଗ। ବାର୍ର କର୍ମଚାରୀ ଏବଂ ଘରେ ପ୍ରସ୍ତୁତ କରୁଥିବା ଯୁବକମାନେ ଗିରଫ ହୋଇଛନ୍ତି। ଏଥିରେ ବ୍ୟବହୃତ ୩ଟି ସ୍କୁଟିକୁ ମଧ୍ୟ ଜବତ କରିଛି ଅବକାରୀ ବିଭାଗ। ଅଧିକ ତଦନ୍ତ ଚଳାଇଛି ଅବକାରୀ ଟିମ୍।
