[ad_1]
ବ୍ୟୁରୋ : କାନାଡ଼ାରେ ଚାଲିଥିବା ବିଶ୍ୱ ପୋଲିସ ମିଟରେ ଡବଲ ଗୋଲଡ ପାଇଛନ୍ତି ଚିନ୍ମୟୀ ଭୂୟାଁ । ପ୍ରତିଯୋଗିତାର 60 କେଜିରୁ କମ ମହିଳା ବ୍ୟକ୍ତିଗତ ବର୍ଗ ଓ ଟିମ ବର୍ଗରେ ମେଡାଲ ଜିତିଛନ୍ତି । ବହୁ ଦେଶର ପ୍ରତିଯୋଗୀଙ୍କୁ ପଛରେ ପକାଇ ମେଡାଲ ଜିତିଛନ୍ତି ଚିନ୍ମୟୀ । ଏହି ପ୍ରତିଯୋଗିତା ପାଇଁ ଦିଲ୍ଲୀରେ ପ୍ରଶିକ୍ଷଣ ନେଇଥିଲେ ଚିନ୍ମୟୀ । ଚିନ୍ମୟୀ ବର୍ତ୍ତମାନ କମିଶନରେଟ ପୋଲିସରେ କାର୍ଯ୍ୟରତ । 2014 ମସିହାରେ ସେଲ୍ଫ ଡିଫେନ୍ସ ଶିଖିବାକୁ ଆସିଥିବା ଚିନ୍ମୟୀ ପରବର୍ତ୍ତୀ ସମୟରେ କରାଟେ ପ୍ରତି ଆଗ୍ରହ ପ୍ରକାଶ କରିଥିଲେ । କରାଟେ କୋଚ ଡକ୍ଟର ହରି ପ୍ରସାଦ ପଟ୍ଟନାୟକଙ୍କ ଅଧିନରେ ପ୍ରଶିକ୍ଷଣ ନେଇଥିଲେ । ପରେ ସେ ଜାତୀୟସ୍ତରୀୟ କରାଟେ ପ୍ରତିଯୋଗିତାରେ ଅଂଶଗ୍ରହଣ କରିବା ସହ ସଫଳତା ହାସଲ କରିଛନ୍ତି । ତାଙ୍କର କ୍ରୀଡା ପ୍ରତି ଆଗ୍ରହ ଦେଖି ଆଗକୁ ବହୁ ସଫଳତା ହାସଲ କରିବେ ବୋଲି କହିଛନ୍ତି କୋଚ ।ଚିନ୍ମୟୀଙ୍କ ଏହି ସଫଳତାରେ ଖୁସି ବ୍ୟକ୍ତ କରିଛନ୍ତି କମିଶନରେଟ ପୋଲିସ କାର୍ଯ୍ୟକର୍ତ୍ତା । ସରକାରୀ ସ୍ତରରୁ ସାହାଯ୍ୟ ସହଯୋଗ ଆସିଲେ ତାଙ୍କୁ ଏହି କ୍ରୀଡ଼ା ପ୍ରତି ଅନେକ ପ୍ରେରଣା ଯୋଗାଇବ ।
[ad_2]
