ଲକ୍ଷ୍ନୌ,୦୯/୧୧: ଭୟଙ୍କର ସଡକ ଦୁର୍ଘଟଣା । ଚାଲିଗଲା ୫ ଜୀବନ । ଉତ୍ତରପ୍ରଦେଶ ଫିରୋଜାବାଦ ଆଗ୍ରା- ଲକ୍ଷ୍ନୌ ଏକ୍ସପ୍ରେସୱେରେ ମର୍ମନ୍ତୁଦ ସଡକ ଦୁର୍ଘଟଣା ହୋଇଛି । ଏଥିରେ ୫ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ବସଟି ଦୁର୍ଘଟଣାଗ୍ରସ୍ତ ହେବାରୁ ୫ ଜଣଙ୍କ ଜୀବନ ଯାଇଥିବାବେଳେ କିଛି ଲୋକ ଆହତ ହୋଇଛନ୍ତି । ସମସ୍ତ ଆହତଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି ।
ମଥୁରା ବୁଲିବାକୁ ଯାଇଥିଲେ ହେଲେ କିଏ ଜାଣିଥିଲା ବାଟରେ ମୃତ୍ୟୁ ଜଗିଛି ବୋଲି । ଖୁସିରେ ମଥୁରା ଭ୍ରମଣ କରି ଘରକୁ ଫେରିବା ବାଟରେ ଭୟଙ୍କର ଦୁର୍ଘଟଣାରେ ୫ ଜଣଙ୍କ ଜୀବନ ଦୀପ ଲିଭିଯାଇଛି । ଆଜି (ଶନିବାର) ଉତ୍ତରପ୍ରଦେଶ ଆଗ୍ରା- ଲକ୍ଷ୍ନୌ ଏକ୍ସପ୍ରେସୱେରେ ମର୍ମନ୍ତୁଦ ସଡକ ଦୁର୍ଘଟଣାରେ ଏପରି ଦୁଃଖଦ ଖବର ଆସିଛି।
ଫିରୋଜାବାଦ ଏସପି ଅଖିଲେଶ ଭାଦୋରିଙ୍କ ସୂଚନା ଅନୁଯାୟୀ, ”ବସଟି ମଥୁରାରୁ ଲକ୍ଷ୍ନୌ ଯାଉଥିଲା । ଆଗ୍ରା- ଲକ୍ଷ୍ନୌ ଏକ୍ସପ୍ରେସୱେରେ ଛିଡା ହୋଇଥିବା ଏକ ଗାଡିକୁ ବସଟି ପଛରୁ ଧକ୍କା ଦେଇଥିଲା। ଏଥିରେ ୫ ଜଣଙ୍କର ମୃତ୍ୟୁ ହୋଇଥିବା ବେଳେ କିଛି ଲୋକ ଆହତ ହୋଇଛନ୍ତି । ସମସ୍ତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲେ। ବସ୍ ଡ୍ରାଇଭରର ଅବହେଳା ପାଇଁ ଦୁର୍ଘଟଣା ହୋଇଛି । ଗାଡି ଚାଳକ ବାଟରେ ଖାଇବା ପରେ କିଛି ନିଶା ସେବନ କରିଥିବା ଜଣାପଡିଛି।”
