ପରିବାର ପିଲାଙ୍କର ପ୍ରଥମ ବିଦ୍ୟାଳୟ ହୋଇଥାଏ । ସେଥିପାଇଁ ପରିବାରରେ କିଛି ନିୟମ କାନୁନ ରହିଥାଏ, ଯାହାକି ନଦୀର ଦୁଇଟି ଧାରା ପରି ହେଇଥାଏ, ଯାହାକି ଗୋଟେ ନିର୍ଦ୍ଧିଷ୍ଟ ଦିଗରେ ଯିବାକୁ ଦେଇଥାଏ । ଛୋଟବେଳୁ ପିଲାମାନଙ୍କୁ ନିୟମରେ ବାନ୍ଧିବା ଉତ୍ତମ ହେଇଥାଏ ।
ଏହିପରି ଛୋଟ ଛୋଟ ନିୟମ ପାଳନ କରିବାକୁ ଉପଦେଶ ଦେବା ଦ୍ଵାରା ସେମାନଙ୍କ ଭବିଷ୍ୟତ ଉଜ୍ବଳ ହେଇଥାଏ । ଯେତେବେଳେ ପିତାମାତା ଏସବୁ ନିୟମ ବିଷୟରେ ସେମାନଙ୍କ ସନ୍ତାନକୁ ଅବଗତ କରେଇବେ ଏଥି ପ୍ରତି ଧ୍ୟାନ ଦେବା ଦରକାର କି ଏସବୁ ନିୟମ ନିଜ ଘର ସହିତ ଘର ବାହାରେ ମଧ୍ୟ ପାଳନ କରିବା ନିହାତି ଆବଶ୍ୟକ । ସଂଗୀତା ଦୀକ୍ଷିତ ମୁତାବକ ଘରର ନିୟମ ଗୁଡିକ କିପରି ରହିବା ଦରକାର ଆସନ୍ତୁ ଜାଣିବା ।
କ୍ରୋଧ ଉପରେ ନିୟନ୍ତ୍ରଣ
ଏହି ନିୟମ ଘରର ପ୍ରଥମ ନିୟମ ରହିବା ଉଚିତ । ଯଦି ଘରେ ସମାନ ବଯସର ପିଲା ଥିବେ ତେବେ ସେମାନଙ୍କ ମଧ୍ୟରେ ଝଗଡା ହେବା ସାଧାରଣ କଥା । ଏମିତିକି ପିଲାମାନେ କ୍ରୋଧର ବଶବର୍ତ୍ତୀ ହୋଇ ପରସ୍ପର ଉପରେ ହାତ ଉଠେଇଦିଅନ୍ତି । ଯଦି ସେମାନେ ଭାଇ-ଭଉଣୀ ହୋଇଥାନ୍ତି ତେବେ ଏହା ଅଧିକ ହେଇଥାଏ । କିନ୍ତୁ ଯଦି ଘରର ବଡମାନେ ଏମିତି କରୁଛନ୍ତି ତେବେ ସେମାନଙ୍କୁ ଏହି ଅଭ୍ଯାସ ବଦଳାଇଦେବା ଆବଶ୍ୟକ । ଏଥିପାଇଁ ଘରେ ଏମିତି ନିୟମ ପ୍ରଣୟ କରିବା ଉଚିତ ହେବ କି ଯଦି ଘରର କାହା ପୁପରେ କ୍ରୋଧ ଆସୁଛି ତେବେ ଏହାକୁ ଶାନ୍ତିର ସହ ବିଚାର କରାଯିବ । କୌଣସି ଉଦଣ୍ଡତା କରାଯିବ ନାହିଁ ।
ଅପଶବ୍ଦର ବର୍ଜନ
ପିଲାମାନେ ବାହାରେ ଖେଳିବା ଏବଂ ଟିଭି ଦେଖିବା ଦ୍ଵାରା ବହୁତ ଖରାପ ଶବ୍ଦର ପ୍ରୟୋଗ କରିବା ଶିଖିଯାନ୍ତି । ସେମାନଙ୍କୁ ଏପରି ଭାଷା ଆକର୍ଷିତ କରିଥାଏ । ସେମାନଙ୍କର ଏପରି ଧାରଣା ଥାଏ ଯେ ସେମାନେ ଏପରି ଭାଷା ପ୍ରୟୋଗ କରିବା ଦ୍ଵାରା ସେମାନଙ୍କର କଥାକୁ ସମସ୍ତେ ଶୁଣିବେ ଏବଂ ସମସ୍ତେ ସେମାନଙ୍କ ପ୍ରତି ଆକର୍ଷିତ ହେବେ । ଆଜିକାଲି ଆନେକ କାଟୁନ ଏବଂ ଚଳଚିତ୍ରରେ ଅଭଦ୍ର ଭାଷାର ପ୍ରୋୟାଗ ହେଇଥାଏ । ପିଲାମାଙ୍କୁ ବୁଝାଇବାକୁ ପଡିବ ଯେ ଏପରି କଲେ ସେମାନଙ୍କ ଚରିତ୍ର ଉପରେ ଖରାପ ପ୍ରଭାବ ପଡିବ । ଏମିତି କରିବା ଦ୍ଵାରା ସେମାନଙ୍କ ଛୋଟ ଭାଇ-ଭଉଣୀ ମଧ୍ୟ ଏହା ଶିଖିବେ ।
ପଛରେ ଖରାପ ବ୍ୟବହାର ନକରିବା
ପିଲାମାନେ ଯେବେ ବଡ ହେବାକୁ ଲାଗନ୍ତି ତେବେ ସେମାନେ ସେମାନଙ୍କ ଠାରୁ ବୟସ୍କଙ୍କୁ ମଧ୍ୟ ନିଜର ସମସ୍କନ୍ଧ ଭାବନ୍ତି । ସେମାନଙ୍କୁ ଲାଗେ ଯେ ବଡମାନେ ସେମାନଙ୍କ ଉପରେ କଟକଣା ଲଗାଉଛନ୍ତି । ବଡମାନେ ବୁଝାଇବା ଦ୍ଵାରା ସେମାନେ ଚିଡିବା, ଆଡେ ସିଆଡେ ଦେଖିବା, ରାଗରେ କବାଟ ବନ୍ଦ କରିଦେବା ଇତ୍ୟାଦି ବ୍ୟବହାର କରିଥାନ୍ତି । ଏମିତିରେ ପିଲାମାଙ୍କୁ ବୁଝାଇବାକୁ ପଡିବ ଯେ ଏପରି କରିବା ଗୁରୁଜନ ମାନଙ୍କ ଅନାଦର ହେଇଥାଏ ଏବଂ ଏହା ଅଭଦ୍ରାମିର ପରିଚୟ । ଏପରି ବ୍ୟବହାର ସହ୍ୟ କରାଯିବ ନାହିଁ ।
