ସେପ୍ଟେମ୍ବର ପହିଲାରୁ ନୂତନ ନିୟମ, ପାନ୍-ଆଧାରଠାରୁ କ୍ରେଡିଟ୍ କାର୍ଡ ପର୍ଯ୍ୟନ୍ତ ଅନେକ ନିୟମ ବଦଳିବ – Ibnodisha

ନୂଆଦିଲ୍ଲୀ: ଅଗଷ୍ଟ ମାସ ଶେଷ ହେବାକୁ ଯାଉଛି। ସେପ୍ଟେମ୍ବର ମାସରେ ଅନେକ ଗୁରୁତ୍ୱପୂର୍ଣ୍ଣ ଆର୍ଥିକ ନିୟମ ପରିବର୍ତ୍ତନ ହେବାକୁ ଯାଉଛି। ଏଭଳି ପରିସ୍ଥିତିରେ ଏ ସମ୍ପର୍କିତ ସୂଚନା ସମସ୍ତଙ୍କ ପାଇଁ ଆବଶ୍ୟକ। ଏଥିରେ ନୂଆ ମାସରୁ ପାନ୍-ଆଧାରଠାରୁ କ୍ରେଡିଟ୍ କାର୍ଡ ଯାଏ ଅନେକ ନିୟମ ବଦଳିବାକୁ ଯାଉଛି। ଆରବିଆଇର ଘୋଷଣା ଅନୁଯାୟୀ, ସେପ୍ଟେମ୍ବର ୩୦ ତାରିଖ ପର୍ଯ୍ୟନ୍ତ ଦୁଇ ହଜାର ନୋଟ୍ ବଦଳାଯାଇପାରିବ। ଏପରି ପରିସ୍ଥିତିରେ ପାଖରେ ଥିବା ଟଙ୍କିଆ ନୋଟକୁ ଯଥାଶୀଘ୍ର ନିକଟସ୍ଥ ବ୍ୟାଙ୍କ ଶାଖାରେ ନଗଦ ଆକାରରେ ବଦଳାଇବା ଉଚିତ୍। ଯଦି ଆପଣ ଏହା ନ କରିଥାନ୍ତି, ଆପଣ ୩୦ ସେପ୍ଟେମ୍ବର ପରେ କିମ୍ବା ଅନ୍ୟ ଅର୍ଥରେ ଅସୁବିଧାର ସମ୍ମୁଖୀନ ହୋଇପାରନ୍ତି। ଏହାଛଡା ମାଗଣାରେ ଆଧାର ତଥ୍ୟ ଅପଡେଟ୍ କରିବାର ଶେଷ ସୁଯୋଗ ସେପ୍ଟେମ୍ବର ମାସ ରହିଛି। ଯଦି ଆପଣ ଆଧାରକୁ ମାଗଣାରେ ଅପଡେଟ୍ କରିବାକୁ ଚାହୁଁଛନ୍ତି, ତେବେ ୧୪ ସେପ୍ଟେମ୍ବର ସୁଦ୍ଧା ସମ୍ପୂର୍ଣ୍ଣ କରିବା ଉଚିତ୍।

ସେପ୍ଟେମ୍ବର ୧୪ ପର୍ଯ୍ୟନ୍ତ ମାଗଣାରେ ଆଧାର ସମ୍ବନ୍ଧୀୟ ବିବରଣୀ ଅପ୍ଡେଟ୍ କରାଯାଇପାରିବ। ପୂର୍ବରୁ ଏହି ସୁବିଧା କେବଳ ୧୪ ଜୁନ୍ ପର୍ଯ୍ୟନ୍ତ ଦିଆଯାଇଥିଲା, ଯାହାପରେ ଏହାକୁ ୧୪ ସେପ୍ଟେମ୍ବର ପର୍ଯ୍ୟନ୍ତ ବୃଦ୍ଧି କରାଯାଇଥିଲା। ଏହାବ୍ୟତୀତ ଯଦି ଆପଣ ଡିମାଟ୍ ଆକାଉଣ୍ଟରେ ନାମାଙ୍କନ ପ୍ରକ୍ରିୟା ସମାପ୍ତ କରିନାହଁାନ୍ତି, ତେବେ ୩୦ ସେପ୍ଟେମ୍ବର ପୂର୍ବରୁ ଏହି କାର୍ଯ୍ୟ ସମାପ୍ତ କରିବା ଉଚିତ୍। ନାମାଙ୍କନ ବିନା ଆକାଉଣ୍ଟଗୁଡିକ ଉପରୋକ୍ତ ତାରିଖ ପରେ ସେବି ଦ୍ୱାରା ନିଷ୍କ୍ରିୟ ହୋଇଯିବ।

ସେପ୍ଟେମ୍ବର ପହିଲାରୁ ଆଉ ଏକ ଗୁରୁତ୍ବପୂର୍ଣ୍ଣ ବିଷୟ ହେଉଛି କ୍ରେଡିଟ୍ କାର୍ଡ ନିୟମରେ ପରିବର୍ତ୍ତନ। ଯଦି ଆପଣଙ୍କର ଆକ୍ସିସ୍ ବ୍ୟାଙ୍କର ମ୍ୟାଗ୍ନସ୍ କ୍ରେଡିଟ୍ କାର୍ଡ ଅଛି, ତେବେ ସେପ୍ଟେମ୍ବର ମାସରୁ ଏହାର ସର୍ତ୍ତଗୁଡିକରେ ବଡ଼ ପରିବର୍ତ୍ତନ ହୋଇପାରେ। ବ୍ୟାଙ୍କର ୱେବସାଇଟରେ ଦିଆଯାଇଥିବା ସୂଚନା ଅନୁଯାୟୀ, ସେପ୍ଟେମ୍ବର ମାସରୁ ଗ୍ରାହକମାନେ ଏହି କାର୍ଡରେ କିଛି କାରବାର ଉପରେ ବିଶେଷ ରିହାତିର ଲାଭ ପାଇପାରିବେନାହିଁ। ଏହାସହିତ ସେପ୍ଟେମ୍ବର ପହିଲାଠାରୁ ନୂତନ କାର୍ଡଧାରୀମାନଙ୍କୁ ବାର୍ଷିକ ଶୁଳ୍କ ଭାବରେ ଜିଏସ୍‌ଟି ସହିତ ୧୨,୫୦୦ ଟଙ୍କା ଦେବାକୁ ପଡିବ। ଏଥିସହିତ, ପୁରୁଣା ଗ୍ରାହକଙ୍କୁ ୧୦,୦୦୦ ଟଙ୍କା ଜିଏସ୍‌ଟି ସେମତ ଦେବାକୁ ପଡିବ। ପାନ୍ ଏବଂ ଆଧାରକୁ ସଂଯୋଗ କରିବାର ଶେଷ ସୁଯୋଗ ମଧ୍ୟ ସେପ୍ଟେମ୍ବରରେ ରହିବ।