[ad_1]
ମୁମ୍ବାଇ: ଟେଲି ଅଭିନେତ୍ରୀ ଦେବୋଲିନା ଭଟ୍ଟାଚାର୍ଯ୍ୟ ଗତବର୍ଷ ତାଙ୍କ ଜିମ୍ ଟ୍ରେନର ଶାହନୱାଜ ଶେଖଙ୍କୁ ବିବାହ କରିଛନ୍ତି। ସେ ଜଣେ ହିନ୍ଦୁ ହୋଇ ଜଣେ ମୁସ୍ଲାମାନ ଯୁବକଙ୍କୁ ବିବାହ କରିଥିବାରୁ ତାଙ୍କୁ ବିଭିନ୍ନ ମହଲରେ ସମାଲୋଚନା କରାଯାଉଥିଲା।
ହେଲେ ଆଜି ଅଭିନେତ୍ରୀ ନିଜ ସ୍ବାମୀଙ୍କ ସହ ମିଶି ଗଣେଶ ଚତୁର୍ଥୀ ପାଳନ କରି ଚର୍ଚ୍ଚାର ପରିସର ଭିତରକୁ ଆସିଛନ୍ତି। ନିଜ ଧର୍ମକୁ ନଭୁଲିଥିବା କାରଣରୁ ତାଙ୍କ ପ୍ରଶଂସକମାନେ ତାଙ୍କୁ ଖୁବ୍ ପ୍ରଶଂସା କରିଛନ୍ତି।
ସେ ତାଙ୍କ ଘରେ ଗଣପତି ବପ୍ପାଙ୍କର ଏକ ମୂର୍ତ୍ତି ରଖି ପୂଜା କରିଛନ୍ତି। ସେ ଗଣେଶ ପୂଜା କରୁଥିବା ବେଳର ଫଟୋ ଓ ଭିଡିଓ ସୋସିଆଲ୍ ମିିଡିଆରେ ସେୟାର୍ କରିଛନ୍ତି। ଏହାକୁ ନେଇ ବ୍ୟବହାରକାରୀ ଖୁବ୍ ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି।
ଅଭିନେତ୍ରୀଙ୍କ ଗଣେଶ ପୂଜାରେ ସ୍ବାମୀ ଶାହନୱାଜ ଶେଖଙ୍କୁ ବି ଦେଖିବାକୁ ମିଳିଛି। ସେ ତାଙ୍କ ସ୍ବାମୀ ସହିତ ପୋଷା କୁକୁରର କିଛି ଫଟୋ ବି ସେୟାର କରିଛନ୍ତି।
ଯାହାକୁ ଦେଖି ପ୍ରଶଂସକମାନେ ଖୁବ୍ ଖୁସି ହୋଇ ଯାଇଥିଲେ। ବାହାଘର ପରେ ଦେବୋଲିନାଙ୍କ ମୁହଁରେ ଭିନ୍ନ ଔଜଲ୍ୟ ଦେଖାଯାଉଛି ବୋଲି ପ୍ରଶଂସକମାନେ କମେଣ୍ଟ୍ ଦେଇଛନ୍ତି।
ଗତବର୍ଷ ସେ ଜିମ୍ ଟ୍ରେନର ଶାହନୱାଜ ଶେଖଙ୍କୁ ବିବାହ କରିଥିଲେ। ଇନଷ୍ଟାରେ ଜିମ୍ ଟ୍ରେନର ଶାହନୱାଜ ଶେଖଙ୍କ ସହ ଫଟୋ ସେୟାର କରି ଦେବୋଲିନା ଶାହନୱାଜଙ୍କୁ ବିବାହ କରିଥିବା କହିଥିଲେ। ଭାଇରାଲ ହେଉଥିବା ଫଟୋରେ ଦେବୋଲିନା ଲାଲ ରଙ୍ଗର ଶାଢ଼ି ପିନ୍ଧିଥିବା ବେଳେ କନ୍ୟା ଭଳି ସଜ ହୋଇଥିଲେ।
[ad_2]
