ସାଧାରଣତଃ ୱିକେଣ୍ଡ ସମସ୍ତଙ୍କୁ ପସନ୍ଦ କାରଣ ପୁରା ସପ୍ତାହ କାମ କରିବା ପରେ ଏହା ହିଁ ଗୋଟିଏ ଦିନ ମିଳିଥାଏ ମନପସନ୍ଦର ଖାଦ୍ୟ ପ୍ରସ୍ତୁତ କରିବା ପାଇଁଳ । ତେବେ ଆପଣଙ୍କ ସଣ୍ଡେକୁ ସ୍ପେସିଆଲ ବନାଇବା ପାଇଁ ଆଜି ଆମେ ଆପଣଙ୍କ ପାଇଁ ନେଇ ଆସିଛୁ ‘ଆଲୁ ମସାଲା କଚୋଡି’ । ତାହେଲେ ଆସନ୍ତୁ ଜାଣିବା କିପରି ଘରେ ପ୍ରସ୍ତୁତ କରିବା ଏହି ସ୍ୱାଦିଷ୍ଟ ଖାଦ୍ୟ ।
ଆବଶ୍ୟକ ସାମଗ୍ରୀ
୧୦ ରୁ ୧୫ଟି ବ୍ରେଡ ସ୍ଲାଇସ, ୪ଟି ସିଝା ଆଳୁ, ୧ ଚାମଚ ଅଦା ରସୁଣ ପେଷ୍ଟ, କଞ୍ଚାଲଙ୍କା ପେଷ୍ଟ ଅଧା ଚାମଚ, ଲଙ୍କାଗୁଣ୍ଡ, ହଳଦୀଗୁଣ୍ଡ, ଧନିଆ ପାଉଡର, ଗରମ ମସଲା ଗୁଣ୍ଡ, ଚାଟ ମସଲା, ଫୁଟଣ ଅଳ୍ପ, ତେଲ, ଧନିଆ ପତ୍ର ଓ ଲୁଣ ସ୍ୱାଦ ଅନୁସାରେ ।
ପ୍ରସ୍ତୁତି ପ୍ରଣାଳୀ
‘ଆଲୁ ମସାଲା କଚୋଡି’ ପ୍ରସ୍ତୁତ କରିବା ପାଇଁ ସର୍ବପ୍ରଥମେ ସିଝା ଆଳୁରେ ସମସ୍ତ ମସଲା ଓ ଅଦା ରସୁଣ ପେଷ୍ଟ ପକାଇ ଭଲଭାବେ ଗୋଳାଇ ଦିଅନ୍ତୁ । ତାପରେ ଏକ ପ୍ୟାନରେ କିଛି ତେଲ ଗରମ କରି ସେଥିରେ ଫୁଟଣ ପକାଇ ଏହି ଆଳୁ ମିଶ୍ରଣକୁ ପକାଇ ଏକ ତଡକା ଦିଅନ୍ତୁ । ବର୍ତ୍ତମାନ ବ୍ରେଡର ସ୍ଲାଇସକୁ ଚାରିପଟୁ କାଟି ଦିଅନ୍ତୁ ଏବଂ ପାଣିରେ ଓଦା କରିଦିଅନ୍ତୁ । ତାପରେ ସେଥିରେ ପୂର୍ବ ପ୍ରସ୍ତୁତ ଆଳୁ ମିଶ୍ରଣର ଛୋଟ ଛୋଟ ଗୁଳା ପ୍ରସ୍ତୁତ କରି ରଖି ଧୀରେ ଧୀରେ ବନ୍ଦ କରି ଗୋଲ କରିଦିଅନ୍ତୁ । ଏବେ ଆଉ ଏକ ପ୍ୟାନରେ ତେଲ ଗରମ କରି ଏହି ଗୁଳା ଗୁଡିକୁ ଛାଣି ଦିଅନ୍ତୁ । ଟିକିଏ କୁରକୁରି ହୋଇଗଲେ ଏହାକୁ କାଢି ଦହି କିମ୍ବା ଚଟଣି ସହିତ ସର୍ଭ କରନ୍ତୁ ।
