[ad_1]
ନୂଆଦିଲ୍ଲୀ: ବିଶ୍ୱ କପକୁ ଆଉ ମାତ୍ର କେତେ ଦିନ ବାକି । କିନ୍ତୁ ଏହା ପୂର୍ବରୁ ବିଶ୍ୱକପରେ ଭାଗ ନେବାକୁ ପାକିସ୍ତାନ କ୍ରିକେଟ ଟିମ୍ ଭାରତ ଗସ୍ତରେ ଆସିଛି । ଦୀର୍ଘ ୭ ବର୍ଷ ପରେ ଭାରତ ଗସ୍ତରେ ଆସିଛି ପାକିସ୍ତାନ କ୍ରିକେଟ ଟିମ୍। ତେବେ ବିଶ୍ୱକପ ଆରମ୍ଭ ପୂର୍ବରୁ ଟିମ୍ ଆଇସିସି ସାମ୍ନାରେ ଏକ ଦାବି ରଖିଛି । ଭିସା ପ୍ରକ୍ରିୟାକୁ ତ୍ୱରାନିତ୍ୱ କରିବାକୁ ଚିଠି ଲେଖିଛି । ଭାରତରେ ବିଶ୍ୱକପ ହେଉଥିବାରୁ ଅନେକଙ୍କୁ ଭିସା ମିଳିବାରେ ସମସ୍ୟା ଉପୁଜୁଛି । ଯେଉଁଥିପାଇଁ ପାକିସ୍ତାନର ମିଡ଼ିଆ ଓ ପ୍ରଂଶସକଙ୍କ ଭିସା ସମସ୍ୟାକୁ ସମାଧାନ କରିବା ଦିଗରେ ଆଇସିସି ପଦକ୍ଷେପ ନେଉ ବୋଲି ପିସିବି କହିଛି ।
ବିସିସିଆଇର ସୂଚନା ମୁତାବକ, ବିଦେଶ ମନ୍ତ୍ରାଳୟ ସେହି କ୍ରୀଡା ସାମ୍ବାଦିକଙ୍କ ନାଁକୁ ନେଇ ବିଚାର କରୁଛି ଯେଉଁମାନେ ବିଶ୍ୱକପ୍ କଭର କରିବାକୁ ଭାରତ ଆସିବାକୁ ଆବେଦନ କରିଛନ୍ତି । ତେବେ ସେମାନଙ୍କୁ ଭିସା ମିଳିବା ପୂର୍ବରୁ ବିଦେଶ,ଗୃହ ଓ କ୍ରୀଡା ମନ୍ତ୍ରାଳୟର ମଞ୍ଜୁରୀ ଆବଶ୍ୟକ । ଯେହେତୁ ଭାରତର ପିଆରସିରେ ପାକିସ୍ତାନ ରହିଛି ତେଣୁ ଭିସା ମିଳିବା ପୂର୍ବରୁ କଡାକଡି ଯାଞ୍ଚ କରାଯାଉଛି ।
[ad_2]
