[ad_1]
ନୂଆଦିଲ୍ଲୀ: ସ୍ପଷ୍ଟ ହେଲା ଜିମ୍ବାୱେ ବିମାନ ଦୁର୍ଘଟଣାରେ ମୃତକଙ୍କ ପରିଚୟ । ଖଣିମାଲିକ ହରପାଲ ରନ୍ଧୱା ଏବଂ ତାଙ୍କ ପୁଅ ମୃତ୍ୟୁବରଣ କରିଛନ୍ତି । ଜିମ୍ବାୱେରେ ଘଟିଥିବା ବିମାନ ଦୁର୍ଘଟଣାରେ ହରାଇଥିବା ୬ ଜଣଙ୍କ ମଧ୍ୟରେ ଅଛନ୍ତି ଭାରତୀୟ ଅରବପତି ତଥା ଖଣି ଟାଇକନ୍ ହରପାଲ ରନ୍ଧୱା ଏବଂ ତାଙ୍କର ୨୨ ବର୍ଷୀୟ ପୁଅ ଅମେର। ସେପ୍ଟେମ୍ବର ୨୯ରେ ଦକ୍ଷିଣ ପଶ୍ଚିମ ଜିମ୍ବାୱେରେ ଥିବା ଏକ ହୀରା ଖଣି ନିକଟରେ ଦୁର୍ଘଟଣାରେ ଦୁହିଁଙ୍କର ଜୀବନ ଚାଲିଯାଇଛି।
ଏହି ବ୍ୟକ୍ତିଗତ ବିମାନରେ ରନ୍ଧୱା ବାପ-ପୁଅଙ୍କ ସମେତ ୬ ଜଣ ଯାତ୍ରୀ ଯାତ୍ରା କରୁଥିଲେ। ଏଥିରେ ଭାରତର କୋଟିପତି ବ୍ୟବସାୟୀ ହରପାଲଙ୍କ ସମେତ ତାଙ୍କ ୨୨ ବର୍ଷୀୟ ପୁଅର ମୃତ୍ୟୁ ଘଟିଥିବା ପିଟିଆଇ ରିପୋର୍ଟ କରିଛି।
ସୁନା ଓ କୋଇଲା ଉତ୍ପାଦନ କରିବା ସହିତ ନିକେଲ ଏବଂ କପର ବିଶୋଧନ କରୁଥିବା ବିବିଧ ଖଣି କମ୍ପାନୀ ରିଓଜିମ ର ମାଲିକ ଥିଲେ ହରପାଲ ରନ୍ଧୱା। ସେ ୪୦୦ କୋଟି ଡଲାରର ବ୍ୟକ୍ତିଗତ ଇକ୍ୱିଟି ବ୍ୟବସାୟ ଏଋଗ ହୋଲଡିଂ ପ୍ରତିଷ୍ଠା କରିଥିଲେ। ରିଓଜିମ ମାଲିକାନାରେ ଥିବା ଏକ ସେସନା ୨୦୬ ବିମାନରେ ଖଣି ଟାଇକନ୍ ଏବଂ ତାଙ୍କ ପୁଅ ଯାତ୍ରା କରୁଥିଲେ। ସେମାନେ ହାରାରେରୁ ମୁରୋୱା ହୀରା ଖଣି ଅଭିମୁଖେ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣା ସମୟରେ ବିମାନରେ ଥିବା ସମସ୍ତ ଯାତ୍ରୀ ଏବଂ କର୍ମଚାରୀଙ୍କର ମୃତ୍ୟୁ ଘଟିଛି।
ରନ୍ଧୱାଙ୍କ ବନ୍ଧୁ ଚଳଚ୍ଚିତ୍ର ନିର୍ମାତା ହୋପୱେଲ ଚିନ୍ନୋ, ଏକ୍ସ(ପୂର୍ବର ଟ୍ୱିଟର)ରେ ତାଙ୍କ ମୃତ୍ୟୁରେ ସମବେଦନା ଜଣାଇଛନ୍ତି।
[ad_2]
