[ad_1]
ନୂଆଦିଲ୍ଲୀ : ଦିଲ୍ଲୀରୁ ମୁମ୍ବାଇ ପର୍ଯ୍ୟନ୍ତ ବିମାନ ଭଡା ପ୍ରାୟ ୫ ଗୁଣା ବୃଦ୍ଧି ପାଇଛି। ପୂର୍ବରୁ ଦିଲ୍ଲୀରୁ ମୁମ୍ବାଇ ଯିବାକୁ ହେଲେ ପ୍ରାୟ ୫ ହଜାର ଟଙ୍କା ଖର୍ଚ୍ଚ କରିବାକୁ ପଡୁଥିଲା। କିନ୍ତୁ ବର୍ତ୍ତମାନ ଏହି କ୍ଷେତ୍ରର ଭଡା ପ୍ରାୟ ୨୭ ହଜାର ଟଙ୍କାରେ ପହଞ୍ଚିଛି। ଏହା କେବଳ ଦିଲ୍ଲୀର ମୁମ୍ବାଇ ନୁହେଁ, ଦିଲ୍ଲୀରୁ ଅନ୍ୟ ଗନ୍ତବ୍ୟ ସ୍ଥଳକୁ ମଧ୍ୟ ବିମାନ ଭଡା ଆକାଶ ଛୁଆଁ ହେବା ଆରମ୍ଭ କରିଛି। ଏଭଳି ପରିସ୍ଥିତିରେ ବିମାନ ଚଳାଚଳର ଏହି ବୃଦ୍ଧି ପଛରେ କେଉଁ କାରଣ ରହିଛି ସେ ନେଇ ଯାତ୍ରୀଙ୍କ ଚିନ୍ତା ବଢ଼ିବାରେ ଲାଗିଛି।
ବିମାନ ସେବା ଦ୍ୱାରା ଭଡା ବୃଦ୍ଧି ସମ୍ପର୍କରେ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ କାରଣ କୁହା ଯାଇଛି। ନିକଟରେ ବେସାମରିକ ବିମାନ ଚଳାଚଳ ମନ୍ତ୍ରୀ ଡକ୍ଟର ଭି.କେ ସିଂ ରାଜ୍ୟସଭାରେ ତାଙ୍କ ଲିଖିତ ଉତ୍ତରରେ କହିଛନ୍ତି ଏୟାର କର୍ପୋରେଶନ ଆକ୍ଟ ଲାଗୁ ହେବା ପରେ ଭଡା ନିର୍ଣ୍ଣୟ କରିବାରେ ସରକାରଙ୍କ ହସ୍ତକ୍ଷେପ ମାର୍ଚ୍ଚ ୧୯୯୪ ଠାରୁ ଶେଷ ହୋଇଛି। ବିମାନ ନିୟମ ୧୯୩୭ ରେ, ସମସ୍ତ ନିର୍ଦ୍ଧାରିତ ଏୟାରଲାଇନ୍ସକୁ ଅପରେଟିଂ ଖର୍ଚ୍ଚ ଏବଂ ସେମାନଙ୍କର ବିଶେଷ ସେବା ଆଧାରରେ ସେମାନଙ୍କର ଭଡା ସ୍ଥିର କରିବାର ଅଧିକାର ଦିଆଯାଇଛି।
ଏହି ପରିପ୍ରେକ୍ଷୀରେ ଜେନେରାଲ ଭି.କେ ସିଂ କହିଛନ୍ତି ଚାହିଦା ଏବଂ ଯୋଗାଣ ନୀତି ଆଧାରରେ ଭଡା ସ୍ଥିର ହୋଇଛି। ବିମାନରେ ସିଟ ଉପଲବ୍ଧତା, ଇନ୍ଧନର ମୂଲ୍ୟ, ସଂପୃକ୍ତ ମାର୍ଗରେ ବିମାନ ପରିଚାଳନା କ୍ଷମତା, ପାଣିପାଗ, ଛୁଟିଦିନ, ପର୍ବ ଇତ୍ୟାଦି ବ୍ୟତୀତ ବିମାନ ସେବା ମଧ୍ୟରେ ପ୍ରତିଯୋଗିତା ଏବଂ ଅନ୍ୟାନ୍ୟ କାରଣ ଦ୍ୱାରା ବିମାନ ଭଡା ନିର୍ଣ୍ଣୟ କରାଯାଏ। ଯାତ୍ରୀମାନେ ଅଗ୍ରୀମ ବୁକିଂ ମାଧ୍ୟମରେ କମ ମୂଲ୍ୟରେ ବିମାନ ଟିକେଟ ବୁକ କରିପାରିବେ। ଯାତ୍ରା ସମୟ ଯେତିକି ପାଖେଇ ଆସୁଛି, ଉପଲବ୍ଧ ସିଟ ଉପରେ ନିର୍ଭର କରି ବିମାନ ଭଡା ଅଧିକ ମହଙ୍ଗା ହୋଇଯାଇଥାଏ।
[ad_2]
