[ad_1]
ଚଣ୍ଡୀଗଡ଼ : ଡିଏସ୍ପିଙ୍କୁ ଗୁଳିକରି ହତ୍ୟା କଲା ଅଟୋ ଚାଳକ । ଜଳନ୍ଧରରେ ପଞ୍ଜାବର ଡେପୁଟି ପୁଲିସ ସୁପରିଣ୍ଟେଣ୍ଡେଣ୍ଟ୍ ଦଲବୀର ସିଂହ ଦେଓଲଙ୍କ ମୃତଦେହ ମିଳିଛି। ଜଣେ ଅଟୋ ଚାଳକ ତାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ଜଳନ୍ଧର ପୁଲିସ କମିସନର ସ୍ୱପନ ଶର୍ମା କହିଛନ୍ତି ଯେ ସେମାନେ ବିଜୟ କୁମାର ନାମକ ଅଟୋ ଚାଳକକୁ ଗିରଫ କରିଛନ୍ତି। ସୂଚନା ଅନୁସାରେ, ଡିଏସ୍ପି ଦେଓଲ ତାଙ୍କୁ ତାଙ୍କ ଗାଁରେ ଛାଡ଼ିବାକୁ ଅଟୋଚାଳକକୁ କହିଥିଲେ। ସେ ମନା କରିବାରୁ ବଚସା ହୋଇଥିଲା। ଯୁକ୍ତିତର୍କ ଭିତରେ ଡ୍ରାଇଭର ଦେଓଲଙ୍କ ସର୍ଭିସ ପିସ୍ତଲ ଛଡ଼ାଇ ନେଇ ତାଙ୍କ ମୁଣ୍ଡକୁ ଗୁଳି କରିଥିଲା। ସିସିଟିଭି ଫୁଟେଜ୍ ଆଧାରରେ ଉକ୍ତ ବ୍ୟକ୍ତିଙ୍କୁ ଗିରଫ କରାଯାଇଛି। ଦେଓଲଙ୍କ ମୃତଦେହ ଜଳନ୍ଧରର ବସ୍ତି ବାୱା ଖେଲରେ ଏକ ରାସ୍ତାରେ ପଡ଼ିଥିଲା। ତାଙ୍କର ଗୋଟିଏ ଗୋଡ଼ ଭାଙ୍ଗି ଯାଇଥିବା ଦେଖିବାକୁ ମିଳିଥିଲା। ତେବେ ପ୍ରଥମେ ଏହା ହିଟ୍ ଆଣ୍ଡ୍ ରନ୍ ମାମଲା ବୋଲି ପୁଲିସ ସନ୍ଦେହ କରିଥିଲା। କିନ୍ତୁ ପରେ ଏହା ହତ୍ୟାକାଣ୍ଡ ବୋଲି ଜାଣିବାକୁ ପାଇଛି।
[ad_2]
