[ad_1]
ବ୍ରହ୍ମପୁର : ଶିକ୍ଷକଙ୍କ ଉପରକୁ ବୋମାମାଡ । ବ୍ରହ୍ମପୁର ସ୍ଥିତ ରଘୁପତିନଗର ଦ୍ୱୀତୀୟ ଲାଇନରେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ବୋମାମାଡରେ ଶିକ୍ଷକ ଗୁରୁତର ହୋଇଥିବା ବେଳେ ତାଙ୍କୁ ବ୍ରହ୍ମପୁର ସ୍ଥିତ ଏମକେସିଜି ମେଡିକାଲରେ ଭର୍ତି କରାଯାଇଛି । ସୂଚନା ଅନୁସାରେ ବ୍ରହ୍ନପୁର ବଡବଜାର ଥାନା ଅନ୍ତର୍ଗତ ରଘୁପତି ନଗର ୨ ନମ୍ବର ଲାଇନରେ ଶିକ୍ଷକ ଟୁକୁନା ଭୂୟାଁ ନିଜ ପରିବାର ସହିତ ରୁହନ୍ତି । ଏବଂ ଗୁରୁବାର ପ୍ରାୟ ସଂଧ୍ୟା ସମୟରେ ଶିକ୍ଷକ ଟୁକୁନା ଭୂୟାଁ ଏକା ଥିବା ସମୟରେ ହଠାତ ବୋମା ବିଷ୍ଫୋରଣ ହେବାର ଶଦ୍ଦ ହୋଇଥିଲା । ଏବଂ ଚାରିଆଡେ ଧୁଆଁ ହୋଇଯାଇଥିଲା । ତେବେ ଘର ଭିତରେ ବୋମାର ସୁତୁଲି ଓ ଗନ ପାଉଡର ପଡିଥିବା ବେଳେ ଶିକ୍ଷକଙ୍କ ଶରୀରରେ ବିଭିନ୍ନ ସ୍ଥାନରେ ଗଭୀର କ୍ଷତ ହୋଇଥିଲା । ଏବଂ ରକ୍ତାକ୍ତ ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତି କରାଯାଇଛି । ତେବେ କାହିଁକି ଓ କେଉଁ କାରଣରୁ ଶିକ୍ଷକଙ୍କ ଉପରେ ବୋମାମାଡ କରାଗଲା । ତାହାର କାଣ ଜଣାପଡିନଥିବା ବେଳେ ପୋଲିସ ତଦନ୍ତ ଜାରି ରଖିଛି ।
[ad_2]
