[ad_1]
ବେଙ୍ଗାଲୁରୁ: ରୟାଲ୍ ଚ୍ୟାଲେଞ୍ଜଗର୍ସ ବେଙ୍ଗାଲୁରୁ (ଆର୍ସିବି)ର ଷ୍ଟାର୍ ବ୍ୟାଟର୍ ବିରାଟ କୋହଲି କୋଲ୍କାତା ନାଇଟ୍ ରାଇଡର୍ସ (କେକେଆର୍) ବ୍ୟାଟର୍ ରିଙ୍କୁ ସିଂହଙ୍କୁ ନିଜର ଏକ ବ୍ୟାଟ୍ ଉପହାର ଦେଇଛନ୍ତି । ଶୁକ୍ରବାର ଆର୍ସିବି-କେକେଆର୍ ମ୍ୟାଚ୍ ଶେଷ ହେବାପରେ ଏହି ବ୍ୟାଟ୍ ଉପହାର କରିଛନ୍ତି । ଏହାର ଏକ ଫଟୋ କେକେଆର୍ ନିଜ ସୋସିଆଲ୍ ମିଡିଆ ଆକାଉଣ୍ଟ୍ରେ ଶେୟାର୍ କରିଛି । ରିଙ୍କୁ ସିଂହ ମଧ୍ୟ ବ୍ୟାଟ୍ ଉପହାର ପାଇଁ ବିରାଟ କୋହଲିଙ୍କୁ ଧନ୍ୟବାଦ ଜଣାଇଛି । ରିଙ୍କୁ ନିଜ ଇନ୍ଷ୍ଟାଗ୍ରାମ୍ରେ ବିରାଟଙ୍କ ସହ ଫଟୋ ଶେୟାର୍ କରିଛନ୍ତି । ଏହାର କ୍ୟାପ୍ସନ୍ରେ ସେ ଲେଖିଛନ୍ତି- ‘ଭାଇ ବ୍ୟାଟ୍ ଏବଂ ପରାମର୍ଶ ପାଇଁ ଧନ୍ୟବାଦ ।’
କେକେଆର୍ ବିପକ୍ଷ ମ୍ୟାଚ୍ରେ କୋହଲି ୫୯ ବଲ୍ରେ ଅପରାଜିତ ୮୩ ରନ୍ କରିଥିଲେ । ଏହା ଚଳିତ ସିଜନ୍ରେ ତାଙ୍କର ଦ୍ୱିତୀୟ ଅର୍ଦ୍ଧଶତକ ଥିଲା । ତେବେ ତାଙ୍କର ଏହି ଧମାକାଦାର ଇନିଂସ୍ ସତ୍ତ୍ୱେ ଆର୍ସିବି ୭ ୱିକେଟ୍ରେ ପରାଜିତ ହୋଇଥିଲା । ଆଇପିଏଲ୍ ୨୦୨୪ରେ ବିରାଟ କୋହଲି ଚମତ୍କାର ଫର୍ମରେ ଅଛନ୍ତି । ପଞ୍ଜାବ କିଙ୍ଗ୍ସ ବିପକ୍ଷରେ ୭୭ ରନ୍ର ମ୍ୟାଚ୍ ବିଜୟୀ ଇନିଂସ୍ ଖେଳିଥିଲେ । ଏହା ସହିତ ସେ ଚଳିତ ଟୁର୍ଣ୍ଣାମେଣ୍ଟ୍ର ତିନିଟି ଇନିଂସ୍ରେ ୧୮୧ ରନ୍ ସଂଗ୍ରହକାରୀ ବ୍ୟାଟର୍ ହେବା ସହିତ ଅରେଞ୍ଜ୍ କ୍ୟାପ୍ କବ୍ଜା କରିଛନ୍ତି ।
[ad_2]
