[ad_1]
ସମ୍ବଲପୁର : ସମ୍ବଲପୁରରୁ ଟ୍ରେନ ଜରିଆରେ ରାଜ୍ୟ ବାହାରକୁ ଅବୈଧ୍ୟ ରୂପେ ଗଞ୍ଜେଇ ଚାଲାଣ କରୁଥିବା ସମୟରେ ଜିଆରପି ଜଣେ ମହିଳା ଓ ଜଣେ ଯୁବକ କୁ ଗିରଫ କରିଛି। ଜିଆରପିର ସୂଚନାନୁଯାୟୀ, ସମ୍ବଲପୁର ରେଳ ଷ୍ଟେସନରେ ରାତ୍ରିରେ ପେଟ୍ରୋଲିଂ ସମୟରେ ପ୍ଲାଟଫର୍ମ ସଂଖ୍ୟା ୨ ଓ ୩ ର ଶେଷ ଭାଗରେ ବିହାର ରାଜ୍ୟର ନିବାସୀ ଜଣେ ମହିଳା ମନସା ଦେବୀ ଓ ଯୁବକ ଗୁଲାମ ଜିଲାନି ନାମକ ଯୁବକ ସନ୍ଦିଗ୍ଧ ଭାବରେ ୩ଟି ଜରିବସ୍ତା ବ୍ୟାଗ ସହିତ ଛିଡା ହୋଇଥିବାର ଦେଖିଥିଲା । ଉକ୍ତ ଜରିବସ୍ତା ବ୍ୟାଗ ଯାଞ୍ଚ କରାଯିବାରୁ ସେଥି ମଧ୍ୟରୁ ସମୁଦାୟ ୪୫ କିଗ୍ରା ଗଞ୍ଜେଇ ମିଳିଥିଲା । ପୋଲିସର ଜେରା ସମୟରେ ଉକ୍ତ ଗଞ୍ଜେଇ ଗୁଡିକୁ ବିହାର ରାଜ୍ୟକୁ ଚାଲାଣ କରୁଥିବାର କହିଛନ୍ତି ଅଭିଯୁକ୍ତ ମାନେ । ଜିଆରପି ପକ୍ଷରୁ ଏକ ମାମଲା ରୁଜୁ କରାଯାଇ ଅଭିଯୁକ୍ତ ମାନଙ୍କୁ ଗିରଫ କରି ଅଦାଲତକୁ ଚାଲାଣ କରାଯାଇଥିବା ସୂଚନା ମିଳିଛି । ତେବେ ସମ୍ବଲପୁର ଦେଇ ଦେଶକୁ ଯାଇଥିବା ଉଭୟ ସଡକ ଓ ରେଳ ପଥ ଜରିଆରେ ନିୟମିତ ଅବୈଧ୍ୟ ରୂପେ ଗଞ୍ଜେଇ ଚାଲାଣ ହେଉଥିବାର ଦେଖାଯାଉଥିବା ବେଳେ ଅନେକ ସମୟରେ ଚାଲାଣକାରୀ ମାନେ ଧରାପଡିବା ସହିତ ଗଞ୍ଜେଇ ଗୁଡିକ ମଧ୍ୟ ଜବତ ହେଉଛି ।
[ad_2]
