ନୂଆଦିଲ୍ଲୀ : ବର୍ତ୍ତମାନ ସମୟରେ ଅନେକ ଲୋକେ ହୃଦଘାତର ଶିକାର ହେଉଥିବା ଦେଖାଯାଉଛି । ଯୁବକ ହୁଅନ୍ତୁ ଅଥବା ବୟସ୍କ ଠାରେ ହୃଦଘାତର ମାମଲା ବଢି ବଢି ଚାଲିଛି । ସୋସିଆଲ ମିଡିଆରେ ଏଭଳି ଅନେକ ଘଟଣା ଭାଇରାଲ ହେଉଛି । ଖାଦ୍ୟ ଖାଇବା ସମୟରେ, ବିବାହ, ନାଚିବା ଆଦି ଅନେକ ସମୟରେ ହଠାତ୍ ହୃଦଘାତ ହେଉଥିବା ଭିଡିଓରେ ଦେଖାଯାଉଛି ।
ନିକଟରେ ଏଭଳି ଏକ ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି । ଘଟଣାଟି ହେଉଛି ଦିଲ୍ଲୀ ବିମାନବନ୍ଦରର । ଏଠାରେ ଜଣେ ଯୁବକ ଠିଆ ହୋଇଥିବା ସମୟରେ ହଠାତ୍ ତଳେ ପଡି ଯାଇଥିଲେ । ମାତ୍ର ସେଠାରେ ଥିବା ସିଆଇଏସଏଫ ଯବାନ ତାଙ୍କ ଜୀବନ ବଞ୍ଚାଇଛନ୍ତି।
