ଭଞ୍ଜନଗର: ବିଚ୍ ରାସ୍ତାରେ ହୁତୁହୁତୁ ହୋଇ ଜଳିଗଲା ଚଳନ୍ତା କାର୍ । ଏହି ନିଆଁର ଦାଉ ଦେଖିଲେ ଯେ କେହିବି ଅନୁମାନ କରିପାରୁଥିବେ ସେଥିରେ ବସିଥିବା ଯାତ୍ରୀମାନଙ୍କର କ’ଣ ଅବସ୍ଥା ହୋଇଥିବ । ଏଭଳି ଅଘଟଣକୁ ଏଡାଇବା ଭାରି ମୁସ୍କିଲ୍ । ତେବେ ରାସ୍ତାରେ ଯାଉଥିବା ଚଳନ୍ତା କାର୍ ରେ ନିଆଁ ଲାଗିଯିବା ପରେ କ’ଣ ଘଟିଛି ତାହା ଜାଣିବାକୁ ଆପଣ ନିହାତି ଉତ୍ପର ହେବେଣି ।
ଗଞ୍ଜାମ ଜିଲ୍ଲା ବ୍ରହ୍ମପୁର – ଭଞ୍ଜନଗର ମୁଖ୍ୟ ରାସ୍ତାର, ଗାଙ୍ଗପୁର ଥାନା ଅନ୍ତର୍ଗତ ଷଢଙ୍ଗୀପଲୀ ଗାଁ ନିକଟ ରାସ୍ତାରେ ଘଟିଛି ଏଭଳି ଅଘଟଣ ।
ଭଞ୍ଜନଗର ଅଭିମୁଖେ ଯାଉଥିବା ବେଳେ ଅଗ୍ନିକାଣ୍ଡର ଶିକାର ହୋଇଥିଲା ଏହି କାର୍ । ହଠାତ୍ କିଏ କିଛି ବୁଝିପାରିନଥିଲେ କ’ଣ ଘଟୁଛି । ଗାଡିରୁ ପ୍ରଥମେ ଧୂଆଁ ବାହାରିଥିଲା ଏବଂ ତାପରେ ହଠାତ୍ ନିଆଁ ଲାଗିଯାଇଥିଲା । ଡ୍ରାଇଭର ଦେଇଥିବା ସୂଚନା ପ୍ରକାରେ, ପ୍ରଥମେ କାର୍ ର ଏ.ସି ରୁ ନିଆଁ ବାହାରିଥିଲା । ତେବେ ନିଜ ଉପସ୍ଥିତ ବୁଦ୍ଧି ଖଟାଇ ଘଟଣା ସ୍ଥଳରେ ହିଁ ଡ୍ରାଇଭର ଜଣକ ଗାଡ଼ି ରଖି ସେଥିରେ ବସିଥିବା ସମସ୍ତ ଯାତ୍ରୀ ତୁରନ୍ତ ଓହ୍ଲାଇ ପଡ଼ିଥିଲେ । ଯେଉଁଥିପାଇଁ କାରରେ ବସିଥିବା ସମସ୍ତ ଯାତ୍ରୀ ଏବଂ ଡ୍ରାଇଭର୍ ସମେତ, ସମସ୍ତ ୪ ଜଣ ଅଳ୍ପକେ ରକ୍ଷା ପାଇ ଯାଇଛନ୍ତି ।
ସଭିଏଁ ଗାଡିରୁ ଓହ୍ଲାଇବା ପରେ ନିଆଁ ପ୍ରକୋପ ଧିରେ ଧିରେ ବଢିବାକୁ ଲାଗିଥିଲା । ଘଟଣା ସ୍ଥଳରେ ଭଞ୍ଜନଗର ଅଗ୍ନିଶମ ବାହିନୀ ପହଞ୍ଚି ନିଆଁ ଲିଭାଇଥିଲେ । ଏହା ପରେ ଗାଙ୍ଗପୁର ଥାନା ପୋଲିସ ପହଞ୍ଚି ଘଟଣାର ତଦନ୍ତ ଚଳାଇଛି । ସୂଚନା ଅନୁଯାୟୀ, କାର୍ ଟି ବ୍ରହ୍ମପୁରରୁ ଭଞ୍ଜନଗର ଅଭିମୁଖେ ଯାଉଥିଲା । କିନ୍ତୁ ଏଭଳି ଏକ ବଡ ଅଘଟଣରୁ ଗାଡିରେ ବସିଥିବା ଯାତ୍ରୀ ଏବଂ ଡ୍ରାଇଭର ଭଗବାନଙ୍କ ଆର୍ଶିବାଦରୁ ଅଳ୍ପକେ ବର୍ତ୍ତିଯାଇଛନ୍ତି ।
