ମୁମ୍ବାଇ: ଅଭିନେତା ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟ ବଚ୍ଚନ ବଲିଉଡର ସବୁଠାରୁ ପ୍ରିୟ ଦମ୍ପତି ଅଟନ୍ତି। ଏହି ଦମ୍ପତି ୨୦ ଏପ୍ରିଲ ୨୦୦୭ରେ ବିବାହ କରିଥିଲେ ଏବଂ ତାଙ୍କର ଏକ ଝିଅ ଆରାଧ୍ୟା ବଚ୍ଚନ ଅଛନ୍ତି। ତେବେ ଐଶ୍ୱର୍ଯ୍ୟା ଏବଂ ଅଭିଷେକଙ୍କ ମଧ୍ୟରେ ମତଭେଦ ଖବର କିଛି ସମୟ ଧରି ଗୁଜବ ସୃଷ୍ଟି କରିଥିଲା। ଏହି ଦମ୍ପତି ଆଉ ସର୍ବସାଧାରଣରେ ଏକାଠି ଦେଖାଯାଉନାହାଁନ୍ତି ।
ନିକଟରେ ଐଶ୍ୱର୍ଯ୍ୟା ଏବଂ ଅଭିଷେକ ମଧ୍ୟ ଅମ୍ବାନୀ ପରିବାରର ବିବାହରେ ପୃଥକ ଭାବରେ ପହଞ୍ଚିଥିଲେ। ଯାହା ପରେ ସେମାନଙ୍କ ଛାଡପତ୍ରର ଗୁଜବ ଆହୁରି ବୃଦ୍ଧି ହୋଇଥିଲା।
ତେବେ ଏହା ପରେ ଏକ ସାକ୍ଷାତକାର ସମୟରେ ଅଭିଷେକ କହିଥିଲେ, ସେ ବିବାହିତ ଏବଂ ଏଥି ସହ ଐଶ୍ୱର୍ଯ୍ୟା ରାୟଙ୍କ ସହ ଛାଡପତ୍ର ହେବାର ଗୁଜବକୁ ପ୍ରତ୍ୟାଖ୍ୟାନ କରିଥିଲେ। ଏସବୁ ମଧ୍ୟରେ ଅଭିଷେକ ଏବଂ ଐଶ୍ୱର୍ଯ୍ୟାଙ୍କ ଏକ ପୁରୁଣା ସାକ୍ଷାତକାର ଭାଇରାଲ ହେବାରେ ଲାଗିଛି । ଯେଉଁଥିରେ ଐଶ୍ୱର୍ଯ୍ୟା ଖୁଲାସା କରିଥିଲେ କି ତାଙ୍କର ଅଭିଷେକଙ୍କ ସହ ବହୁତ ଝଗଡା ହୁଏ।
ବାସ୍ତବରେ, ୨୦୧୦ରେ ଏକ ସାକ୍ଷାତକାରରେ ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟ ବଚ୍ଚନଙ୍କୁ ପଚରାଯାଇଥିଲା ଯେ ସେମାନେ ଗୋଟେ ଦିନରେ କେତେଥର ଝଗଡା କରନ୍ତି। ଯେଉଁଥିରେ ଐଶ୍ୱର୍ଯ୍ୟା ଉତ୍ତର ଦେଇ କହିଥିଲେ, ଓଃ… ପ୍ରତିଦିନ। ଅଭିଷେକ ତାଙ୍କ ବିବୃତ୍ତିର ଜବାବ ଦେଇ କହିଛନ୍ତି, ସେଇଟା ଝଗଡା ନୁହେଁ ବରଂ କୌଣସି ବିଷୟରେ ସହମତ ହେବା ଭଳି। ପରେ ଅଭିଷେକ ପ୍ରକାଶ କରିଥିଲେ ଯେ, ଝଗଡା ପରେ ସେ ପ୍ରଥମେ ବୁଝାନ୍ତି। ସେ କହିଥିଲେ, ଯେବେ ଆମର ଝଗଡା ହୁଏ ଆମେ ରାତି ସାରା ଶୋଉନଥିଲୁ। ବୁଝାସୁଝା ପରେ ହିଁ ଶୋଉଥିଲୁ।
