ଲମତାପୁଟ ୮।୯: ଦୁଇ ଦିନ ଲଗାଣ ବର୍ଷା ଯାଗୁଁ ମାଛକୁଣ୍ଡ ଜଳବିଦ୍ୟୁତ ପ୍ରକଳ୍ପର D.ଡ୍ୟାମ୍ର ଜଳସ୍ତର ବଢ଼ିବାରୁ ଦୁଇଟି ଗେଟ୍ ଖୋଲାଯାଇଛି l ଜଳଭଣ୍ଡାରରେ ଜଳସ୍ତର ବଢି ବିପଦ ସଙ୍କେତକୁ ଛୁଇଁବା ପରେ ୩ ନମ୍ବର ଏବଂ ୫ ନମ୍ବର ଗେଟ୍ ଖୋଲି ୪ ହଜାର କ୍ୟୁସେକ୍ ପାଣି ନିଷ୍କାସିତ କରାଯାଉଛି l ଡ୍ୟାମ୍ କ୍ଷମତା ୨୫ ଶହ ୯୦ ଫୁଟ ଥିବା ବେଳେ ବର୍ତ୍ତମାନ ୨୫ ଶହ ୮୭.୨୦ ଫୁଟକୁ ଜଳସ୍ତର ଛୁଇଁଛି ।
ପାଣିପାଗ ବିଭାଗରୁ କୋରାପୁଟ ଜିଲ୍ଲାରେ ବର୍ଷା ପରିମାଣ ବଢିବା ସୂଚନା ରହିଥିବା ବେଳେ ଆଗକୁ ବର୍ଷାର ପରିମାଣ ବଢିଲେ ଆହୁରି ଗେଟ୍ ଗୁଡିକ ଖୋଲାଯିବ ବୋଲି ପ୍ରକଳ୍ପ ଅଧିକାରୀ ସୂଚନା ଦେଇଛନ୍ତି l
