ନୂଆଦିଲ୍ଲୀ ୧୨।୦୯: ରସୁଣ କେବଳ ଖାଦ୍ୟକୁ ସ୍ୱାଦିଷ୍ଟ କରେ ନାହିଁ, ବରଂ ଏହା ଆଣ୍ଟି-ବ୍ୟାକ୍ଟେରିଆ ଏବଂ ଆଣ୍ଟି-ଫଙ୍ଗଲ୍ ଗୁଣରେ ଭରପୂର । ଏହା ସ୍ୱାସ୍ଥ୍ୟ ପାଇଁ ଅନେକ ଲାଭଦାୟକ । ରସୁଣରେ ଭିଟାମିନ୍ ବି-୬, ବି-ସି, ମାଙ୍ଗାନିଜ୍, ସେଲେନିୟମ୍, ଆଇରନ୍, ଫାଇବର, ଜିଙ୍କ, କପର୍, କାର୍ବୋହାଇଡ୍ରେଟ୍ ଏବଂ କ୍ୟାଲସିୟମ୍ ପରି ଅନେକ ପୋଷକ ତତ୍ତ୍ୱ ରହିଥାଏ ।
ବିଶେଷଜ୍ଞଙ୍କ ଅନୁଯାୟୀ ରସୁଣ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ । ଏହା ଶରୀର ପାଇଁ ବେଶ୍ ଉପକାରୀ । ଖରାପ ହଜମ ପ୍ରକ୍ରିୟାରେ ଉନ୍ନତି ଆଣିବା ପାଇଁ ରସୁଣ ଅତ୍ୟନ୍ତ ଉପଯୋଗୀ । ସକାଳେ ଖାଲି ପେଟରେ ଏହାକୁ ଖାଇବା ଦ୍ୱାରା ପେଟ ଯନ୍ତ୍ରଣା ଏବଂ କୋଷ୍ଠକାଠିନ୍ୟରୁ ମୁକ୍ତି ମିଳିଥାଏ ।
ମଧୁମେହରେ ପୀଡିତ ଲୋକଙ୍କ ପାଇଁ ରସୁଣ ଖାଇବା କୌଣସି ଔଷଧଠାରୁ କମ୍ ନୁହେଁ । ଶୁଗାର ଲେବଲ ବଜାୟ ରଖିବାରେ ରସୁଣକୁ ଉତ୍କୃଷ୍ଟ ବିବେଚନା କରାଯାଏ । ରସୁଣରେ ଭିଟାମିନ୍ ସି, ବି 6 ପରି ଅନେକ ଜରୁରୀ ଖଣିଜ ପଦାର୍ଥ ମିଳିଥାଏ । ଯାହା ରୋଗ ପ୍ରତିରୋଧକ ଶକ୍ତି ବଢାଇବାରେ ସାହାଯ୍ୟ କରିଥାଏ । ଏହା ମେଟାବୋଲିଜିମକୁ ପ୍ରୋତ୍ସାହିତ କରିଥାଏ ।
ଏହା ଫ୍ୟାଟ୍ ବର୍ଣ୍ଣ କରିବାରେ ସାହାଯ୍ୟ କରିଥାଏ । ଏପରି ସ୍ଥିତିରେ ରସୁଣକୁ ସକାଳେ ଖାଲି ପେଟରେ ଖାଇବା ଦ୍ୱାରା ଅନ୍ତନଳୀ ସ୍ୱାସ୍ଥ୍ୟ ପାଇଁ ଅନେକ ଲାଭ ମଧ୍ୟ ମିଳିଥାଏ । ତେଣୁ ରସୁଣ ଆମ ଶରୀର ପାଇଁ ବେଶ୍ ଲାଭଦାୟୀ ।
