ମୋହନ ମାଝୀ ୟୁ-ଟର୍ଣ୍ଣ ମୁଖ୍ୟମନ୍ତ୍ରୀ, ନିଜ ନିଷ୍ପତ୍ତିରେ କାୟମ ରହୁନାହାନ୍ତି: ବିଜେଡ଼ି

ମୋହନ ମାଝୀଙ୍କୁ ୟୁ-ଟର୍ଣ୍ଣ ମୁଖ୍ୟମନ୍ତ୍ରୀ ବୋଲି ବିଜେଡି କହିଛି। ସେ ଯାହା କହୁଛନ୍ତି ତାହାର ୟୁ-ଟର୍ଣ୍ଣ ନେଉଛନ୍ତି। ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ସମ୍ଭବପର ନୁହେଁ ବୋଲି ବିଧାନସଭାରେ କହିଲେ। ପରବର୍ତ୍ତୀ ସମୟରେ ଦଳୀୟ ବିଧାୟକ ଜୟ ନାରାୟଣ ମିଶ୍ର ହାଇକୋର୍ଟ ବେଞ୍ଚ ନେଇ ଦାବି କଲେ। ତା ପରେ ମୁଖ୍ୟମନ୍ତ୍ରୀ ମୋହନ ମାଝୀ ଏ ସମ୍ପର୍କରେ ତର୍ଜମା କରୁଥିବା କହିଲେ। ଏହା ହିଁ ମୁଖ୍ୟମନ୍ତ୍ରୀଙ୍କ ଅବସ୍ଥା। ଜଣେ ବିଧାୟକଙ୍କ ପାଖରେ ନତମସ୍ତକ ହେଉଛନ୍ତି ମୁଖ୍ୟମନ୍ତ୍ରୀ।ଅଗଷ୍ଟ ୨୦୨୪ ରେ ରାଜ୍ୟସଭାରେ ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ନେଇ ଏକ ଅଣତାରକା ପ୍ରଶ୍ନ ନମ୍ବର ୨୦୩୧ ପଚରା ଯାଇଥିଲା। ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପ୍ରତିଷ୍ଠା ଦିଗରେ ପଦକ୍ଷେପ କ’ଣ ନିଆଯାଇଛି ବୋଲି ପ୍ରଶ୍ନ ଥିଲା। ଉତ୍ତରରେ ଆଇନ ମନ୍ତ୍ରୀ ଅର୍ଜୁନ ରାମ ମେଘାୱାଲ କହିଲେ ରାଜ୍ୟ ସରକାରଙ୍କ ମତ ଏବେ ଯାଏ ହସ୍ତଗତ ହୋଇନାହିଁ। ଏହି ମତ ଅପେକ୍ଷାରେ ଅଛୁ ବୋଲି କହିଲେ। କିନ୍ତୁ ଏ ସମ୍ପର୍କରେ ଏବେ ଯାଏ ମୁଖ୍ୟମନ୍ତ୍ରୀ ମୋହନ ମାଝୀ ଚୁପ। ୩ ମାସ ହେଲାଣି ରାଜ୍ୟର ମତ ଯାଇ ନାହିଁ। କେବେ ଚିଠି ଲେଖି ଜଣାଇବେ ଆମେ ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ହେଉ ବୋଲି ବିଜେଡି ପ୍ରଶ୍ନ କରିଛି। ସେ ସତରେ ଚାହୁଁଛନ୍ତି ବେଞ୍ଚ ହେଉ ନା ବିଧାୟକଙ୍କ ଚାପରେ ଚାପଗ୍ରସ୍ତ।

ଲୋକେ ୨୪ ବର୍ଷର ନବୀନ ପଟ୍ଟନାୟକଙ୍କ ଶାସନ ଦେଖିଛନ୍ତି। ମୁଖ୍ୟମନ୍ତ୍ରୀ ୨୪ ଘଣ୍ଟାରେ ଚିଠି ଲେଖିବେ କି କେନ୍ଦ୍ରକୁ ବୋଲି ପ୍ରଶ୍ନ କରିଛି ବିଜେଡି। ମୁଖ୍ୟମନ୍ତ୍ରୀ ନିଜର ମାନସିକତା ଓଡିଶାବାସୀଙ୍କ ନିକଟରେ ସ୍ପଷ୍ଟ କରନ୍ତୁ। ବିଧାନସଭା ଭିତରେ କରିବୁ ନାହିଁ କହୁଛନ୍ତି। ବିଧାୟକଙ୍କ ଚାପ ପରେ କନ୍ସିଡର କଥା କହୁଛନ୍ତି। ନବୀନ ଥରେ ନିଷ୍ପତ୍ତି ନେଲେ ତାହା କାଏମ ରହୁଥିଲା। ବିଜେଡି ମୁଖ୍ୟମନ୍ତ୍ରୀଙ୍କୁ ଆହ୍ୱାନ ଦେଇ କହିଛି ଯେ, ୨୪ ଘଣ୍ଟା ଭିତରେ ଚିଠି ଲେଖନ୍ତୁ । କାଲି ଦିନ ୨ ଟା ଯାଏ ଅପେକ୍ଷା, ନ ହେଲେ ଓଡିଶାବାସୀ ବୁଝିଯିବେ ଯେ, ପଶ୍ଚିମ ଓଡ଼ିଶାରେ ହାଇକୋର୍ଟ ବେଞ୍ଚ ପାଇଁ ମୁଖ୍ୟମନ୍ତ୍ରୀଙ୍କର ଆଗ୍ରହ ନାହିଁ। ମୋହନ ମାଝୀ ନବୀନ ପଟ୍ଟନାୟକଙ୍କୁ ଟିକେ ଅନୁସରଣ କରନ୍ତୁ ବୋଲି ବିଜେଡି କହିଛି। ଡବଲ ଇଞ୍ଜିନ ସରକାର ଟିକେ କାମରେ ଦେଖାନ୍ତୁ। ଓଡ଼ିଶାର ମୁଖ୍ୟମନ୍ତ୍ରୀଙ୍କ ଏ ସତସାହସ କାହିଁକି ନାହିଁ। ବିଧାୟକଙ୍କ କଥାରେ ମୁଖ୍ୟମନ୍ତ୍ରୀ ବାଁ ଡାହାଣ ହେଉଛନ୍ତି ବିଜେଡ଼ି ସାମ୍ବାଦିକ ସମ୍ମିଳନୀରେ କହିଛି।