[ad_1]
କିଭ୍ : ରୁଷ୍ ଓ ୟୁକ୍ରେନ ମଧ୍ୟରେ ରକ୍ତାକ୍ତ ସଂଘର୍ଷ ବର୍ଷେରୁ ଅଧିକ ସମୟ ଧରି ଲାଗି ରହିଛି । କେହି କାହାକୁ ଛାଡ଼ିବାର ଦେଖା ଯାଉ ନାହାନ୍ତି । ଗୋଟେପଟେ ରୁଷ୍ ଜିଦି ଧରି ବସିଛି କି ସେ ୟୁକ୍ରେନକୁ ଛାରଖାର କରିବା ପରେ ଯାଇ ବିଶ୍ରାମ ନେବ । ସେପଟେ ୟୁକ୍ରେନ ବି ରୁଷ୍ ସାମନାରେ ମୁଣ୍ଡ ନୁଆଁଇବାକୁ ପ୍ରସ୍ତୁତ ନୁହେଁ । ଏହି ସ୍ଥିତିରେ ଉଭୟ ପକ୍ଷରୁ ପ୍ରତିଆକ୍ରମଣ ସ୍ୱରୂପ ମିସାଇଲ , ରକେଟ ଓ ଡ୍ରୋନର ବ୍ୟବହାର କରାଯାଉଛି । ରୟଟର୍ସର ରିପୋର୍ଟ ମୁତାବିକ , ରୁଷୀୟ ମିସାଇଲ ଆକ୍ରମଣରେ ୟୁକ୍ରେନରେ ୫ଜଣ ଲୋକଙ୍କ ମୃତ୍ୟୁ ହୋଇଛି, ଏହି ଆକ୍ରମଣରେ ୩୭ ଲୋକଙ୍କ ଆହତ ହେବାର ଖବର ବି ଆସିଛି ।
ଆଭ୍ୟନ୍ତରୀଣ ମନ୍ତ୍ରାଳୟ ଶନିବାର କହିଛି କି, ଉତ୍ତରୀ ୟୁକ୍ରେନର ସହର ଚେର୍ନିହାଇଭରେ ଏକ ଛକରେ ଏକ ରୁଷୀୟ ମିସାଇଲ ହମଲାରେ ୫ଲୋକଙ୍କ ମୃତ୍ୟୁ ହୋଇଥିବା ବେଳେ ୩୭ ଆହତ ହୋଇଛନ୍ତି । ରାଷ୍ଟ୍ରପତି ଭଲୋଡିମିର ଜେଲେନସ୍କି ବର୍ତ୍ତମାନ ସମୟରେ ସ୍ୱିଡେନର ଯାତ୍ରାରେ ଥିଲେ । ସେ ଟେଲିଗ୍ରାମ୍ରେ ପୋଷ୍ଟ କରି କହିଛନ୍ତି , ଏକ ରୁଷୀୟ ମିସାଇଲ ଆମର ଚେର୍ନିହାଇଭରେ ସହରର ଠିକ୍ ମଧ୍ୟ ଭାଗରେ ଖସି ଥିଲା । ସେଠାରେ ଏକ ପଲିଟେକ୍ନିକ୍ ବିଶ୍ୱବିଦ୍ୟାଳୟ ଓ ଗୋଟିଏ ଥିଏଟର ବି ଅଛି । ଜେଲେନସ୍କିଙ୍କ ଏହି ପୋଷ୍ଟ ସହ ଗୋଟିଏ ଭିଡ଼ିଓରେ ଥିଏଟର ସାମନାରେ ଏକ ଛକରେ ଭଗ୍ନାବଶେଷ ବିଛେଇ ହୋଇ ପଡ଼ି ଥିବାର ଦେଖିବାକୁ ମିଳିଛି , ଯେଉଁଠି ଠିଆ ହୋଇଥିବା କାର ଗୁଡ଼ିକ କ୍ଷତିଗ୍ରସ୍ତ ହୋଇଛି । ଭିଡ଼ିଓରେ ଗୋଟିଏ ମୃତଦେହକୁ କାର ଭିତରେ ଚାପି ହୋଇ ଥିବାର ଦେଖିବାକୁ ମିଳୁଛି ।
[ad_2]
