[ad_1]
ମୁମ୍ବାଇ: ୯ଦିନରେ ବ୍ଲକବଷ୍ଟର ଫିଲ୍ମ ‘ବାହୁବଲୀ-୨’କୁ ପଛରେ ପକାଇଲା ‘ଗଦର-୨’। ଅନିଲ ଶର୍ମାଙ୍କ ନିର୍ଦ୍ଦେଶିତ ଫିଲ୍ମ ‘ଗଦର-୨’ ଅଗଷ୍ଟ ୧୧ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। ଫିଲ୍ମ ରିଲିଜ୍ ହେବାର ପ୍ରଥମ ଦିନରେ ବକ୍ସ ଅଫିସରେ ଅଭିନେତା ସନ୍ନି ଦେଓଲଙ୍କ କମାଲ ଦେଖିବାକୁ ମିଳିଥିଲା। ରିଲିଜ ପରେ ସୋସିଆଲ ମିଡିଆରେ ଫିଲ୍ମକୁ ଭଲ ପ୍ରତିକ୍ରିୟା ମିଳିଥିବା ବେଳେ ଫିଲ୍ମଟି ୯ମ ଦିନ ମଧ୍ୟରେ ଅନେକ ବଡ଼ ବଡ଼ ଫିଲ୍ମକୁ ପଛରେ ପକାଇଛି।
ଦ୍ୱିତୀୟ ଶନିବାର ‘ଗଦର ୨’ ଯେତିକି ସଂଗ୍ରହ କରିଛି, ତାହା ଅନେକ ବଡ଼ ବଡ଼ ହିନ୍ଦୀ ଚଳଚ୍ଚିତ୍ର କରିପାରି ନଥିଲେ। ବଲିଉଡର ୨୦୨୩ର ସବୁଠୁ ବଡ ଚଳଚ୍ଚିତ୍ର ‘ପଠାନ’ ଦ୍ୱିତୀୟ ଶନିବାରରେ ୨୨.୫ କୋଟି ସଂଗ୍ରହ କରିଥିଲା। ଏହ ସହ ଦ୍ୱିତୀୟ ଶନିବାର ଅନୁପମ ଖେରଙ୍କ ଅଭିନୀତ ଫିଲ୍ମ ଦି କଶ୍ମୀର ଫାଇଲ୍ସ ୨୪.୮ କୋଟି ଟଙ୍କା ରୋଜଗାର କରିଥିଲା। ଅନେକ ଫିଲ୍ମର ରେକର୍ଡ ଭାଙ୍ଗି ବକ୍ସ ଅଫିସ କିଙ୍ଗ୍ ପାଲଟିଥିବା ପ୍ରଭାସଙ୍କ ଫିଲ୍ମ ‘ବାହୁବଲୀ ୨’ର ଦ୍ୱିତୀୟ ଶନିବାରର ରୋଜଗାର ୨୬କୋଟିରୁ ଅଧିକ ଥିଲା। ହେଲେ ଏବେ ଏସବୁ ଫିଲ୍ମର ରେକର୍ଡ ଭାଙ୍ଗି ଦ୍ବିତୀୟ ଶନିବାର ୩୨-୩୩କୋଟି ଟଙ୍କା ରୋଜଗାର କରିଛି ଗଦର-୨। ଫିଲ୍ମଟି କେବଳ ଭାରତରେ ୩୩୫କୋଟି ଟଙ୍କା ଆୟ କରିସାରିଲାଣି।
ତେବେ ଗଦର-୨ ଅଗଷ୍ଟ ୧୫ରେ ୫୫.୪୦କୋଟି ଟଙ୍କା ରୋଜଗାର କରିଥିଲା। ଜାତୀୟ ଗଣମାଧ୍ୟମ ନିଉଜ୍-୧୮ ଅନୁଯାୟୀ, ଏପର୍ଯ୍ୟନ୍ତ କୌଣସି ଭାରତୀୟ ଚଳଚ୍ଚିତ୍ର ସ୍ୱାଧୀନତା ଦିବସ ଅବସରରେ ଏତେ କୋଟି ଟଙ୍କାର ଆୟ କରିନଥିଲା। ଏଭଳି କରିବାରେ ଗଦର-୨ ପ୍ରଥମ ଫିଲ୍ମ ଥିଲା। ଏପର୍ଯ୍ୟନ୍ତ ଅନେକ ରେକର୍ଡ ଭାଙ୍ଗିଥିବା ଗଦର-୨ ଆଗକୁ ମଧ୍ୟ ଅନେକ ବଡ଼ ବଜେଟ ଫିଲ୍ମକୁ ପଛରେ ପକାଇବ ବୋଲି ଆଶା ରଖିଛନ୍ତି ନିର୍ମାତା।
[ad_2]
