ଭୁବନେଶ୍ୱର: ଏଥର ଶୀତୁଆ ସକାଳର ଖୁବ ମଜା ନେବେ ରାଜଧାନୀବାସୀ । ଖୁବଶୀଘ୍ର ରାଜଧାନୀକୁ ଫେରୁଛି ସମସ୍ତଙ୍କର ପ୍ରିୟ ପଥୋତ୍ସବ । କୁହୁଡି ସକାଳ ସହ କଅଁଳ ଖରାରେ ଜମିବ ପଥୋତ୍ସବ ।
ତେବେ ମଙ୍ଗଳବାର ଦିନ ମାଷ୍ଟରକାଣ୍ଟିନ୍ ଛକରୁ ରାମ ମନ୍ଦିର ଛକ ଦେଇ ପ୍ରଦର୍ଶନୀ ପଡ଼ିଆ ଯାଏ ପଥୋତ୍ସବ କରାଯିବ । ଅତିରିକ୍ତ ମୁଖ୍ୟ ନିର୍ବାଚନ ଅଧିକାରୀଙ୍କ ନିର୍ଦ୍ଦେଶରେ ଏହି କାର୍ଯ୍ୟକ୍ରମ କରାଯିବ ।
ଏଥିସହ ୱାକାଥନ୍ ମଧ୍ୟ ହେବ । ମଙ୍ଗଳବାର ହେବାକୁ ଥିବା ଏହି କାର୍ଯ୍ୟକ୍ରମରେ ୧୭ରୁ ୧୮ ବର୍ଷ ବୟସର ପିଲାମାନେ ୱାକାଥନ୍ରେ ବହୁଳ ମାତ୍ରାରେ ସାମିଲ ହେବାକୁ କୁହାଯାଇଛି । ରାଜ୍ୟରେ ଭୋଟର ସଚେତନତା ତଥା ନୂଆ ଭୋଟରଙ୍କୁ ଆକୃଷ୍ଟ କରିବା ଲାଗି ଏପରି ପ୍ରୟାସ କରାଯାଇଛି ।
ସକାଳ ସାଢ଼େ ୭ଟାରୁ ୧୦ ଯାଏ ଏହି କାର୍ଯ୍ୟକ୍ରମ ହେବ । ଏନେଇ ସୂଚନା ଓ ଲୋକସଂପର୍କ ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
