[ad_1]
ନାରାୟଣପାଟଣା: ସ୍କୁଟି ଦୁର୍ଘଟଣାରେ ତିନିଜଣଙ୍କ ମୃତ୍ୟୁ ହୋଇଛି। ଏପରି ଏକ ଦୁଃଖଦ ଘଟଣା ଘଟିଛି କୋରାପୁଟ ଜିଲ୍ଲା ନାରାୟଣପାଟଣା ଥାନା ଅନ୍ତର୍ଗତ ଲଙ୍ଗଲବେଡ଼ା ପଂଚାୟତର କସମ ଘାଟିରେ। ମୃତକମାନେ ହେଲେ ଜୟ ରାଜୁ (୧୯), ମାରି ଶିବା(୨୦) ଓ ମାଲିକା ବାଲରାଜୁ (୨୧)।
ସୂଚନା ଅନୁସାରେ ସ୍କୁଟିରେ ଫେରୁଥିଲେ ଗୋଟିଏ ପରିବାରର ତିନିଜଣ। ଭାରସାମ୍ୟ ହରେଇ ଏକ ବିରାଟ ପଥରରେ ବାଡ଼େଇ ହେଇ ଛିଟିକିପଡିଥିଲେ ଦୁଇଶହ ମିଟର ତଳକୁ। ଘଟଣାସ୍ଥଳରେ ହିଁ ଚାଲିଯାଇଥିଲା ତିନି ଜଣ ଯୁବକଙ୍କ ଜୀବନ। ମୃତ ଯୁବକ ହେଲେ ଆନ୍ଧ୍ର ପ୍ରଦେଶର ପାର୍ବତୀପୁର ମାନ୍ୟମ ଜିଲ୍ଲା ଅନ୍ତର୍ଗତ ମକୁଆ ମଣ୍ଡଳର ଆନସୁଭଦ୍ରାଗ୍ରାମର ଜୟ ରାଜୁ , ମାରି ଶିବା ଓ ମାଲିକା ବାଲରାଜୁ। ଦୁର୍ଘଟଣା ଏତେ ଭୟଙ୍କର ଥିଲା ଯେ ସ୍କୁଟିଟି ଚୁରମାର ହୋଇଯାଇଥିଲା। ଖବର ପାଇ ସ୍ଥାନୀୟ ପୁଲିସ ଆମ୍ବୁଲାନ୍ସ ନେଇ ଘଟଣାସ୍ଥଳରେ ପହଂଚି ଥିଲେ। ଉଦ୍ଧାର କାମ ଦୀର୍ଘ ଏକ ଘଣ୍ଟା ସମୟ ଲାଗିଥିଲା। ରାତି ସାଢ଼େ ସାତଟା ବେଳକୁ ତିନି ମୃତଦେହକୁ ଆମ୍ବୁଲାନ୍ସରେ ଆଣି ଶବବ୍ୟବଛେଦ ଗୃହରେ ରଖାଯାଇଛି। ଅନ୍ୟପଟେ ଖବର ପାଇ ପରିବାର ଲୋକେ ପହଂଚି ଛନ୍ତି ଘଟଣାସ୍ଥଳରେ ରାତି ହୋଇଥିବାରୁ ଶବ ବ୍ୟବଚ୍ଛେଦ ଗୁରୁବାର କରାଯିବ ବୋଲି ସୁଚନା ମିଳିଛି। ଏପରି ଦୁଃଖଦ ଘଟଣା ପାଇଁ ପରିବାର ଲୋକେ ଦୁଃଖରେ ଭାଙ୍ଗିପଡିଥିବା ଜଣାପଡିଛି।
[ad_2]
