[ad_1]
ଗାଜା: ଗାଜା ଉପତ୍ୟକାକୁ ନିୟନ୍ତ୍ରଣ କରୁଥିବା ପାଲେଷ୍ଟାଇନ ଆତଙ୍କବାଦୀ ସଂଗଠନ ହାମାସ ଶନିବାର ଏକ ଭିଡିଓ ଜାରି କରିଛି, ଯେଉଁଥିରେ ୩ ଜଣ ଇସ୍ରାଏଲୀଙ୍କୁ ତା’ର ଲଢୁଆମାନେ ବନ୍ଧକ ରଖିଥିବାର ଦୃଶ୍ୟ ଦେଖିବାକୁ ମିଳିଛି। ଏହି ତିନି ଜଣ ପୋଷାକ ପିନ୍ଧି ସାଧାରଣ ନାଗରିକ ଦେଖାଯାଉଛନ୍ତି । ତେବେ ଇସ୍ରାଏଲ କିମ୍ବା କୌଣସି ନିରପେକ୍ଷ ଏଜେନ୍ସି ଏହି ବନ୍ଧକକୁ ସ୍ପଷ୍ଟ କରିନାହାନ୍ତି ।
ଭିଡିଓ ଆରମ୍ଭରେ ଲେଖାଯାଇଛି, ‘ଅଲ୍-ଅକ୍ସା ଯୁଦ୍ଧରେ ଅଲ୍-କାସମ ବ୍ରିଗେଡ୍ ଅନେକ ଶତ୍ରୁ ସୈନିକଙ୍କୁ କାବୁ କରିଛି।“
ପୃଷ୍ଠଭୂମିରେ ଥିବା ଚିହ୍ନରୁ ଜଣାପଡୁଛି ଯେ ଏହି ଦୃଶ୍ୟଟି ଇସ୍ରାଏଲ ଏବଂ ଗାଜା ଷ୍ଟ୍ରିପ୍ ମଧ୍ୟରେ ଥିବା ଇରାସେ କ୍ରସିଂର ଇସ୍ରାଏଲ ପାର୍ଶ୍ୱରେ ସୁଟିଂ କରାଯାଇଥିଲା। ସୋସିଆଲ ମିଡିଆରେ ଭାଇରାଲ ହୋଇଥିବା ଅନ୍ୟ ଭିଡିଓରେ ସେନା ପୋଷାକ ପିନ୍ଧିଥିବା ଅନେକ ଲୋକଙ୍କ ମୃତଦେହ ସହ ରାଜପଥରେ ଅନେକ ମୃତ ଡ୍ରାଇଭର ଓ ଯାତ୍ରୀଙ୍କ ମୃତଦେହ ଦେଖିବାକୁ ମିଳିଛି।
ହାମାସ ପକ୍ଷରୁ ଜାରି ଏକ ବାର୍ତ୍ତାରେ କୁହାଯାଇଛି ଯେ ଏସବୁ ବନ୍ଧକଙ୍କ ବଦଳରେ ଇସ୍ରାଏଲୀ ଜେଲରେ ଥିବା ପାଲେଷ୍ଟିନୀୟମାନଙ୍କୁ ମୁକ୍ତ କରାଯିବ । ଅନ୍ୟପକ୍ଷରେ ଏହି ଯୁଦ୍ଧରେ ମୃତ୍ୟୁସଂଖ୍ୟା ୩୦୦ ଟପିଯାଇଛି । ଇସ୍ରାଏଲୀ ପକ୍ଷର ୧୦୦ ଓ ପାଲେଷ୍ଟାଇନ ପକ୍ଷର ୨୦୦ ଜଣ ମୃତ୍ୟୁବରଣ କରିଛନ୍ତି ।
[ad_2]
