ଦେଶ

ନେପାଳରେ ବିବାହ କଲେ ସମଲିଙ୍ଗୀ – Ibnodisha

[ad_1]

କାଠମାଣ୍ଡୁ : ସମଲିଙ୍ଗୀ ବିବାହ ପଞ୍ଜିକରଣ କରିଥିବା ନେପାଳ ଦକ୍ଷିଣ ଏସିଆର ପ୍ରଥମ ଦେଶ ହୋଇଛି । ବ୍ଲୁ ଡାଇମଣ୍ଡ ସୋସାଇଟି ନାମକ ଏକ ସଂସ୍ଥାର ସଭାପତି ସଞ୍ଜୀବ ଗୁରୁଙ୍ଗ (ପିଙ୍କି) ଙ୍କ ଅନୁଯାୟୀ ୩୫ ବର୍ଷିୟ ଟ୍ରାନ୍ସଜେଣ୍ଡର ମାୟା ଗୁରୁଙ୍ଗ ଏବଂ ୨୭ ବର୍ଷ ବୟସ୍କ ସମଲିଙ୍ଗୀ ସୁରେନ୍ଦ୍ର ପାଣ୍ଡେ ଆଇନଗତ ଭାବରେ ବିବାହ କରିଛନ୍ତି । ପଶ୍ଚିମ ନେପାଳର ଲାମଜଙ୍ଗ ଜିଲାର ଡର୍ଡି ଗ୍ରାମୀଣ ପୌରପାଳିକାରେ ସେମାନଙ୍କ ବିବାହ ପଞ୍ଜିକୃତ ହୋଇଛି । ନିଜ ପରିବାରର ସହମତିରେ ପାରମ୍ପାରିକ ଢଙ୍ଗରେ ବିବାହ କରିଥିବା ସୁରେନ୍ଦ୍ର ଏବଂ ମାୟା ଗତ ୬ ବର୍ଷ ଧରି ସ୍ତ୍ରୀ-ସ୍ୱାମୀ ଭାବରେ ଏକାଠି ରହୁଥିଲେ । ନେପାଳର ସର୍ବୋଚ୍ଚ ନ୍ୟାୟାଳୟ ପାଞ୍ଚ ମାସ ପୂର୍ବେ ସମଲିଙ୍ଗୀ ବିବାହକୁ ଆଇନଗତ କରିଥିଲେ । ବ୍ଲୁ ଡାଇମଣ୍ଡ ସୋସାଇଟି ସଂଗଠନ ନେପାଳର ଟ୍ରାନ୍ସଜେଣ୍ଡରଙ୍କ ଅଧିକାର ଏବଂ କଲ୍ୟାଣ ପାଇଁ କାର୍ଯ୍ୟ କରେ ।

ପିଙ୍କି କହିଛନ୍ତି େକେବଳ ନେପାଳରେ ନୁହେଁ ସମଗ୍ର ଦକ୍ଷିଣ ଏସିଆରେ ଏହା ହେଉଛି ପ୍ରଥମ ଘଟଣା ଏବଂ ଆମେ ଏହି ନିଷ୍ପତ୍ତିକୁ ସ୍ୱାଗତ କରୁଛୁ । ପ୍ରଥମ ସମଲିଙ୍ଗୀ ବିବାହର ପଞ୍ଜୀକରଣ ବିଷୟରେ ଜାଣି ସେ ବହୁତ ଖୁସି ବୋଲି ପିଙ୍କି କହିଛନ୍ତି । ନେପାଳର ତୃତୀୟ ଲିଙ୍ଗ ସମ୍ପ୍ରଦାୟ ପାଇଁ ଏହା ଏକ ବଡ଼ ସଫଳତା । ପିଙ୍କି କହିଛନ୍ତି ଏହିପରି ଅନେକ ଦମ୍ପତି ସେମାନଙ୍କର ପରିଚୟ ଏବଂ ଅଧିକାର ବିନା ବଞ୍ଚୁଛନ୍ତି ଏବଂ ଏହା ସେମାନଙ୍କୁ ବହୁତ ସାହାଯ୍ୟ କରିବ । ସେ କହିଛନ୍ତି ଯେ ବର୍ତ୍ତମାନ ଏହି ସମ୍ପ୍ରଦାୟର ଅନ୍ୟ ଲୋକଙ୍କ ପାଇଁ ସେମାନଙ୍କର ବିବାହକୁ ଆଇନଗତ କରିବା ପାଇଁ ଦ୍ୱାର ଖୋଲିଛି । ବର୍ତ୍ତମାନ ସେ ତାଙ୍କ ବିବାହକୁ ଅସ୍ଥାୟୀ ଭାବରେ ପଞ୍ଜୀକୃତ କରିବାରେ ସମର୍ଥ ହେବେ । ଏବଂ ଆବଶ୍ୟକ ଆଇନ ତିଆରି ହେବା ପରେ ଏହା ସ୍ଥାୟୀ ମାନ୍ୟତା ପାଇବ । ଗଣମାଧ୍ୟମ ସହ କଥାବାର୍ତ୍ତା କରି ମାୟା କହିଛନ୍ତି ଏହା ତାଙ୍କ ପାଇଁ ଉତ୍ସବର ଏକ ମୁହୂର୍ତ୍ତ । ମାୟା କହିଛନ୍ତି, ଆନୁଷ୍ଠାନିକ ଭାବରେ ଆମର ବିବାହ ପଞ୍ଜିକରଣ କରି ଆମେ ବହୁତ ଖୁସି । ବର୍ତ୍ତମାନ ଆମେ ଏହାକୁ ନାଚ ଏବଂ ପାର୍ଟି କରି ପାଳନ କରୁଛୁ ।

ମାୟା କହିଛନ୍ତି, ଏହି ଉତ୍ସବକୁ ଏକାଠି ପାଳନ କରିବାକୁ ସୁରେନ୍ଦ୍ର ଏବଂ ମୁଁ ଲାମଜଙ୍ଗର ଡୋର୍ଡିରେ ଅଛୁ । ଆମର ବିବାହ ପଞ୍ଜୀକରଣ ନିଷ୍ପତ୍ତି ଦ୍ୱାରା ଆମେ ଅତ୍ୟଧିକ ସମ୍ମାନିତ ଅନୁଭବ କଲୁ । ୨୦୦୭ ମସିହାରେ ନିଜେ ନେପାଳର ସର୍ବୋଚ୍ଚ ନ୍ୟାୟାଳୟ ସମଲିଙ୍ଗୀ ବିବାହ ପାଇଁ ଅନୁମତି ଦେଇଥିଲେ । ୨୦୧୫ରେ ଗ୍ରହଣ କରାଯାଇଥିବା ନେପାଳର ସମ୍ବିଧାନରେ ମଧ୍ୟ ସ୍ପଷ୍ଟ ଭାବେ କୁହାଯାଇଛି ଯୌନ ଆଭିମୁଖ୍ୟ ଆଧାରରେ କୌଣସି ଭେଦଭାବ ହୋଇପାରିବ ନାହିଁ । ୨୭ ଜୁନ ୨୦୨୩ ରେ ସୁପ୍ରିମକୋର୍ଟ ଗୁରୁଙ୍ଗଙ୍କ ସମେତ ଅନେକ ଲୋକଙ୍କ ଦ୍ୱାରା ଦାଖଲ ହୋଇଥିବା ଏକ ଲିଖିତ ଆବେଦନ ଉପରେ ନେପାଳରେ ସମଲିଙ୍ଗୀ ବିବାହକୁ ଆଇନଗତ କରିବାକୁ ମଧ୍ୟବର୍ତ୍ତୀକାଳୀନ ନିର୍ଦ୍ଦେଶ ଜାରି କରିଥିଲେ । କିନ୍ତୁ ସମଲିଙ୍ଗୀ ବିବାହକୁ ସାମୟିକ ଭାବେ ପଞ୍ଜୀକୃତ କରିବା ପାଇଁ ଗୁରୁତ୍ୱପୂର୍ଣ୍ଣ ଆଦେଶ ସତ୍ତ୍ୱେ କାଠମାଣ୍ଡୁ ଜିଲା କୋର୍ଟ ଚାରିମାସ ପୂର୍ବରୁ ଆବଶ୍ୟକ ଆଇନର ଅଭାବ ଦର୍ଶାଇ ଏହି ପଦକ୍ଷେପକୁ ପ୍ରତ୍ୟାଖ୍ୟାନ କରିଥିଲେ । ସେତେବେଳେ ସୁରେନ୍ଦ୍ର ପାଣ୍ଡେ ଏବଂ ମାୟାଙ୍କ ବିବାହ ଆବେଦନ ପ୍ରତ୍ୟାଖ୍ୟାନ କରାଯାଇଥିଲା ।

[ad_2]

Related Articles

Leave a Reply

Your email address will not be published. Required fields are marked *

Back to top button