[ad_1]
ରାଉରକେଲା : ନବ ବର୍ଷରେ ଶୀତର ପ୍ରକୋପ ଅତି ମାତ୍ରାରେ ଥିବାରୁ ଏହାକୁ ଲକ୍ଷ୍ୟ କରି ମାନବିକତା ପରିବାର ତରଫରୁ ସଂଯୋଜକ ସରୋଜ ନାୟକ ନେତୃତ୍ୱ ରେ ରଘୁନାଥପଲ୍ଲୀ ନିର୍ବାଚନ ମଣ୍ଡଳୀର ସେକ୍ଟର – ୬ଏକତା ବସ୍ତି ରେ ରହୁଥିବା ଗରିବ ଅସହାୟଙ୍କୁ କମ୍ବଳ ବଣ୍ଟନ କରାଯାଇଛି ।
ଏହି କାର୍ଯ୍ୟକ୍ରମରେ ମାନବିକତାର ଅଧକ୍ଷ ତଥା ରଘୁନାଥପଲ୍ଲୀ ପ୍ରାକ୍ତନ ବିଧାୟକ ପ୍ରାର୍ଥୀ ଶ୍ରୀଯୁକ୍ତ ପ୍ରଶାନ୍ତ ସେଠୀ ଅତିଥି ଭାବରେ ଯୋଗଦେଇ ପ୍ରଥମେ ବସ୍ତି ବାସିନ୍ଦାଙ୍କୁ ନବବର୍ଷର ଶୁଭେଚ୍ଛା ଏବଂ ଅଭିନନ୍ଦନ ଜଣାଇବା ସହିତ କମ୍ବଳ ବଣ୍ଟନ କରିଥିଲେ।ରାଉରକେଲାରେ ଯେଉଁ ଡ଼ାଇରୀଆ ଭଳି ମହାମାରୀ ବ୍ୟାପି ଥିବାରୁ ସତର୍କ ରହିବା ସହ ପାନୀୟଜଳ ଫୁଟାଇ ପିଇବା ପାଇଁ ପରାମର୍ଶ ଦେଇଥିଲେ ।
ଏବଂ ଘର ଚାରିପାଖକୁ ସଫା ସୁତୁରା ରଖିବା ସହ ଖାଦ୍ୟ ଖାଉଥିବା ବାସନକୁସନକୁ ସଫା ରଖିବା ପାଇଁ ନିବେଦନ କରିଥିଲେ । ଏହି କାର୍ଯ୍ୟକ୍ରମରେ ବାବୁ ମହାନ୍ତି, ସିମାଞ୍ଚଳ ଖଣ୍ଡୁଆଳ, ବିଶ୍ୱରଞ୍ଜନ ରାଉତ, ସୋନୁ ସିଂ, ଜିତେନ୍ ମାଛଖଣ୍ଡ, ପ୍ରତାପ ସିଂ, ବିଶ୍ୱଜିତ ପ୍ରଧାନ ଉପସ୍ଥିତ ଥିଲେ ।
[ad_2]
