ଲିଭ୍-ଇନ ସଂପର୍କ ମାଧ୍ୟମରେ ବିବାହ ବ୍ୟବସ୍ଥାକୁ ଭାଙ୍ଗିବାକୁ ଉଦ୍ୟମ କରାଯାଉଛି : ଆହ୍ଲାବାଦ ହାଇକୋର୍ଟ – Ibnodisha
[ad_1]
ଆହ୍ଲାବାଦ: ଲିଭ୍-ଇନ୍ ସଂପର୍କ ବିଷୟରେ ଏକ କଡ଼ା ମନ୍ତବ୍ୟ ଦେଇଛନ୍ତି ଆହ୍ଲାବାଦ ହାଇକୋର୍ଟ । ହାଇକୋର୍ଟ କହିଛନ୍ତି ଯେ ଭାରତରେ ବିବାହ ବ୍ୟବସ୍ଥାକୁ ଧ୍ୱଂସ କରିବା ପାଇଁ ଏକ ଶୃଙ୍ଖଳିତ ଡିଜାଇନ୍ କାମ କରୁଛି। କୋର୍ଟ କହିଛନ୍ତି ଯେ ଚଳଚ୍ଚିତ୍ର ଏବଂ ଟିଭି ଧାରାବାହିକ ସମାଜକୁ ପ୍ରଦୂଷିତ କରୁଛନ୍ତି, ପ୍ରତ୍ୟେକ ସିଜିନରେ ନିଜ ପାର୍ଟନର ପରିବର୍ତ୍ତନ ଏକ ସ୍ଥିର ଏବଂ ସଭ୍ୟ ସମାଜ ପାଇଁ ଭଲ ନୁହେଁ । ନିଜ ଲିଭ୍-ଇନ୍ ପାର୍ଟନରଙ୍କୁ ଦୁଷ୍କର୍ମ ଅଭିଯୋଗରେ ଅଭିଯୁକ୍ତ ଜଣେ ବ୍ୟକ୍ତିଙ୍କୁ ଜାମିନ ପ୍ରଦାନ କରିବା ବେଳେ ହାଇକୋର୍ଟ ଏହି ମନ୍ତବ୍ୟ ଦେଇଛନ୍ତି।
ଜଷ୍ଟିସ ସିଦ୍ଧାର୍ଥଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି ଯେ ବିବାହ ଅନୁଷ୍ଠାନ ଜଣେ ବ୍ୟକ୍ତିଙ୍କୁ ଯେଉଁ ସୁରକ୍ଷା, ସାମାଜିକ ସ୍ୱୀକୃତି ଏବଂ ସ୍ଥିରତା ପ୍ରଦାନ କରିଥାଏ, ତାହା କେବେ ବି ଲିଭ୍-ଇନ୍ ସଂପର୍କ ପ୍ରଦାନ କରିନଥାଏ। ପ୍ରତି ସିଜିନରେ ଅଂଶୀଦାର ବଦଳାଇବାର ବ୍ରିଟିଶ ଧାରଣାକୁ ଏକ ସ୍ଥିର ଓ ସୁସ୍ଥ ସମାଜର ପରିଚୟ ଭାବେ ବିବେଚନା କରାଯାଇପାରିବ ନାହିଁ ବୋଲି ସେ କହିଛନ୍ତି।
ଭାରତରେ ମଧ୍ୟବିତ୍ତଙ୍କ ନୈତିକତାକୁ ଅଣଦେଖା କରାଯାଇପାରିବ ନାହିଁ ବୋଲି ହାଇକୋର୍ଟ କହିଛନ୍ତି। ବିବାହ ଅନୁଷ୍ଠାନ ଦୁର୍ବଳ ହେବା ପରେ ହିଁ ଏହି ଦେଶରେ ଲିଭ୍ ଇନ୍ ସଂପର୍କକୁ ସ୍ୱାଭାବିକ ବୋଲି ବିବେଚନା କରାଯିବ, ଯେମିତି ଅନେକ ତଥାକଥିତ ବିକଶିତ ଦେଶରେ ହୋଇଛି, ଯେଉଁଠି ବିବାହ ଅନୁଷ୍ଠାନର ସୁରକ୍ଷା ସେମାନଙ୍କ ପାଇଁ ଏକ ବଡ଼ ସମସ୍ୟା ପାଲଟିଛି ବୋଲି ହାଇକୋର୍ଟ କହିଛନ୍ତି।
[ad_2]
