[ad_1]
ଇସଲାମାବାଦ: ପାକିସ୍ତାନରେ ରହି ସେଠାକାର ସେନାକୁ ବିରୋଧ କରିବା ପାଣିରେ ରହି କୁମ୍ଭୀର ସହ ଶତ୍ରୁତା କରିବା ସହ ସମାନ । ଏକଥା ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାଁ ଏବେ ହୃଦୟଙ୍ଗମ କରୁଥିବେ । ତାଙ୍କ ପରେ ଏବେ ରାଷ୍ଟ୍ରପତି ଆରିଫ ଆଲଭି ବି ସେନାର ବିଷଦୃଷ୍ଟିରେ ପଡ଼ିଛନ୍ତି । ସେନାକୁ ସମାଲୋଚନା କରିବା ପରେ ସେ ନିଜ ପଦବୀ ହରାଇପାରନ୍ତି ।
ତାଙ୍କୁ ରାଷ୍ଟ୍ରପତି ପଦରୁ ଇସ୍ତଫା ଦେବାକୁ କୁହାଯାଇଥିବା ସୂଚନା ମିଳିଛି। ପାକିସ୍ତାନର ନ୍ୟୁଜ୍ ୱେବସାଇଟ୍ ନ୍ୟୁଜ୍ ଇଣ୍ଟରନ୍ୟାସନାଲ ରିପୋର୍ଟ କରିଛି ଯେ ନିର୍ବାଚନ କାର୍ଯ୍ୟସୂଚୀ ପ୍ରକାଶ ପାଇବା ପରେ ପାକିସ୍ତାନ ରାଷ୍ଟ୍ରପତି ଆରିଫ ଅଲଭିଙ୍କୁ ତାଙ୍କ ପଦରୁ ଇସ୍ତଫା ଦେଇ ଅନ୍ତରୀଣ ରାଷ୍ଟ୍ରପତି ଭାବେ କାର୍ଯ୍ୟ କରିବାକୁ କୁହାଯାଇଛି। ଅର୍ଥାତ୍ ପାକିସ୍ତାନ ଇତିହାସରେ ପ୍ରଥମ ଥର ପାଇଁ ଦେଶରେ ଏକାସାଙ୍ଗରେ ଅନ୍ତରୀଣ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ ରହିବେ। ଆସନ୍ତା ସପ୍ତାହରେ ରାଷ୍ଟ୍ରପତି ଆରିଫ ଆଲଭିଙ୍କ କାର୍ଯ୍ୟକାଳ ଶେଷ ହେବ ଏବଂ ତାଙ୍କ ବିରୋଧରେ କୌଣସି ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପୂର୍ବରୁ ତାଙ୍କୁ ସ୍ୱେଚ୍ଛାକୃତ ଭାବେ ଇସ୍ତଫା ଦେବାକୁ କୁହାଯିବ।
ଜାତୀୟ ବ୍ୟାପାରରେ ତାଙ୍କର ଭୂମିକା ସୀମିତ ରହିବ ବୋଲି ସମ୍ବାଦ ସଂସ୍ଥା କହିଛି। ଏଥିରେ ଆହୁରି ମଧ୍ୟ କୁହାଯାଇଛି ଯେ ରାଷ୍ଟ୍ରପତିଙ୍କୁ କୁହାଯାଇଛି ଯେ ସେ ଜାତୀୟ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ସେତେବେଳେ ହିଁ ଭୂମିକା ଗ୍ରହଣ କରିବେ ଯେତେବେଳେ ତାହା କରିବା ଅତ୍ୟନ୍ତ ଜରୁରୀ ଥିବ । ନୂଆ ରାଷ୍ଟ୍ରପତି ନିର୍ବାଚିତ ନ ହେବା ପର୍ଯ୍ୟନ୍ତ ପାକିସ୍ତାନର ରାଷ୍ଟ୍ରପତି ପଦରେ ରହିପାରିବେ ।
[ad_2]
