[ad_1]
ନୂଆଦିଲ୍ଲୀ: ଚଳିତ ଏସିଆ କପ୍ର ସୁପର ଫୋରରେ ଭାରତ ପାକିସ୍ତାନ ବିପକ୍ଷରେ ନିଜର ଅଭିଯାନ ଆସନ୍ତା ୧୦ ତାରିଖରୁ ଆରମ୍ଭ କରିବ । ପୂର୍ବରୁ ଗ୍ରୁପ୍ ପର୍ଯ୍ୟାୟରେ ମଧ୍ୟ ପାକିସ୍ତାନ ବିପକ୍ଷରେ ଅଭିଯାନ ଆରମ୍ଭ କରିଥିଲା । ମାତ୍ର ବର୍ଷା ପାଇଁ ଏହି ମ୍ୟାଚ୍ ଭାରତର ଇନିଂସ୍ ପରେ ଆଉ ସମ୍ଭବ ହୋଇନଥିଲା । ଲଗାତାର ବର୍ଷା ଶ୍ରୀଲଙ୍କାରେ ଏବେ ମ୍ୟାଚଗୁଡିକରେ ବ୍ୟାଘାତ ସୃଷ୍ଟି କରୁଛି । ଯାହାକୁ ନେଇ କ୍ରିକେଟ୍ ପ୍ରଶଂସକଙ୍କ ଅସନ୍ତୋଷ ଜାହିର କରୁଛନ୍ତି । ସବୁଠାରୁ ଗୁରୁତ୍ୱ ରହୁଛି ଭାରତ-ପାକିସ୍ତାନ ମ୍ୟାଚ୍ ନେଇ । ଏହି ମ୍ୟାଚ୍ ବାତିଲ ଦ୍ୱାରା ଅନେକ କ୍ଷତି ହେଉଛି । ଏହାସହ ଉଭୟ ରାଷ୍ଟ୍ରର କ୍ରିକେଟ୍ ପ୍ରଶଂସକଙ୍କ ମନରେ ନିରାଶା ସୃଷ୍ଟି ହେଉଛି । ତେବେ ଭାରତଓ ପାକିସ୍ତାନ ମଧ୍ୟରେ ପରବର୍ତ୍ତି ମ୍ୟାଚ୍ ନେଇ ଶୁଭ ଖବର ରହିଛି ବୋଲି ଶ୍ରୀଲଙ୍କା ପାଣିପାଗ ବିଶେଷଜ୍ଞ ଅଧିକାରୀ ଅଥୁଲା କରୁଣାରତ୍ନେ ପ୍ରକାଶ କରିଛନ୍ତି । ସେ କହିଛନ୍ତି କି, ଶ୍ରୀଲଙ୍କାରୁୂ ବର୍ଷା ୯ ତାରିଖ ସୁଦ୍ଧା ପ୍ରାୟ କମିଯିବ । ଏପରିକି ୧୦ ତାରିଖରେ ଏହା ଅତିସ୍ୱଳ୍ପ ହେବ । ଯାହା ମ୍ୟାଚ୍ରେ କୌଣସି ପ୍ରକାର ପ୍ରଭାବ ପକାଇବ ନାହିଁ ।
[ad_2]
