[ad_1]
ଭୁବନେଶ୍ୱର: ଜି-୨୦ ଶିଖର ସମ୍ମିଳନୀ ଅବସରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପକ୍ଷରୁ ଆୟୋଜିତ ଡିନରପାର୍ଟିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ନଦେବାକୁ ନେଇ, ପ୍ରଶ୍ନ ଉଠାଇଛନ୍ତି ଜୟନାରାୟଣ ମିଶ୍ର । ସେ କଟାକ୍ଷ କରି କହିଛନ୍ତି, ରାଷ୍ଟ୍ରପତି ନିର୍ବାଚନ ସମୟରେ ଦ୍ରୌପଦୀ ମୁର୍ମୁଙ୍କୁ ନବୀନ ଭଉଣୀ ବୋଲି କହିଥିଲେ, ହେଲେ, ଏବେ ଡାକିଥିବା ଡିନରପାର୍ଟିକୁ ସେ ଗଲେନି । ତେବେ ବଡ ବଡ ଲୋକଙ୍କ ଭିତରେ ନିଜର ଗୁରୁତ୍ୱ ନଥିବା ଭାବି ବୋଧ ହୁଏ ନବୀନ ଯାଇନଥିବା ଜୟନାରାୟଣ କଟାକ୍ଷ କରିଛନ୍ତି ।
ସେହିପରି, ରାଜ୍ୟର ନାରୀ ନିର୍ଯାତନା ଓ ଅନ୍ୟାନ୍ୟ ପ୍ରସଙ୍ଗରେ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି ଜୟନାରାୟଣ । ଏଥିସହ ୨୦୨୪ରେ ରାଜ୍ୟରେ ବିଜେପି ସରକାର ଗଢ଼ିବ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି । ଜୟନାରାୟଣ କହିଛନ୍ତି ଯେ ନବୀନ ବାବୁଙ୍କ ମନରେ ହୀନମନ୍ୟତା ଅଛି କାରଣ ତାଙ୍କ ପାଖରେ ଦକ୍ଷତା ଓ ଯୋଗ୍ୟତା ନ ଥାଏ | ଯେତେଦୂର ଲାଗୁଛି ହୀନମନ୍ୟତା ଯୋଗୁଁ ନବୀନ ଯାଇନାହାନ୍ତି | ନାରୀ ନିର୍ଯାତନାରେ ଓଡ଼ିଶା ଦେଶରେ ପ୍ରଥମ, ମୁଣ୍ଡପିଛା ଆୟରେ ଆମେ ତଳେ | ତେଣୁ ନବୀନ ନ ଯିବାଟା ବି ଏକପ୍ରକାର ଭଲ, ଓଡ଼ିଶାର ସମ୍ମାନ ରହିଗଲା |
[ad_2]
