[ad_1]
କରଞ୍ଜିଆ : ଚାଲିଥିଲା ଜୁଆ ଖେଳ ଆଉ ମାଡି ବସିଲା ପୋଲିସ । ଜୁଆ ଖେଳ ଚାଲିଥିବାବେଳେ ପୋଲିସ ୭ ଜଣଙ୍କୁ ଗିରଫ କରିଛି । ଏବଂ ନଗଦ ୬୯ ହଜାର ୫୦୦ ଟଙ୍କା ସହ ୨୪ଟି ଗାଡି ଜବତ କରିଛି । ଏମିତି କିଛି ଘଟଣା ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା ରରୁଆଁ ଥାନା ଅଞ୍ଚଳରେ । ସୂଚନା ମୂତାବକ ସିଙ୍ଗିଡା ବିଜୁ ପଟ୍ଟନାୟକ କଲେଜ ପଛ ପଟେ ଜୁଆ ଖେଳ ଚାଲିଥିବାବେଳେ ପୋଲିସ ବିଶେଷ ସୂତ୍ରରୁ ଖବର ପାଇ ଅତର୍କିତ ଭାବେ ଚଢାଉ କରିଥିଲା ।ସେଠାରୁ ୭ଜଣ ଜୁଆଡିଙ୍କୁ ଗିରଫ କରିଥିଲା । ଏବଂ ସେମାନଙ୍କ ନିକଟରୁ ନଗଦ ୬୯ ହଜାର ୫୦୦ ଟଙ୍କା ଜବତ କରିଥିଲା । ଏହାସହ ଗୋଟିଏ କାର, ଗୋଟିଏ ଅଟୋ, ୨୨ଟି ବାଇକ, ୬ଟି ମୋବାଇଲ ଫୋନ୍ ଓ ଜୁଆ ଡାଇସ୍ ବୋର୍ଡକୁ ପୋଲିସ ଜବତ କରିଛି । ଏ ନେଇ ରରୁଆଁ ଥାନାରେ ଏକ ମାମଲା ରୁଜ୍ଜୁ ହୋଇଛି । ପୋଲିସ ୭ଜଣ ଜୁଆଡିଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି ।
[ad_2]
