[ad_1]
ନୂଆଦିଲ୍ଲୀ: ପ୍ରଥମ ବିବାହ ବାର୍ଷିକକୁ ଦମ୍ପତିଙ୍କ ଜୀବନରେ ଗୁରୁତ୍ବବହନ କରେ । ଏହି ଦିନକୁ ମନେ ରଖିବା ପାଇଁ ଉଭୟ ଉଭୟଙ୍କୁ ଉପହାର ଦେଇଥାନ୍ତି । କିଏ ଭଲ ଫୁଲ ତୋଡ଼ା ଦେଇଥାଏ ତ ଆାଉ କିଏ କେକ କାଟି ଖୁସି ମନାନ୍ତି । ଆାଉ କେହି କେହି ଦାମୀ ଗିଫ୍ଟ ଦେଇ ସ୍ତ୍ରୀଙ୍କ ମନକୁ ଖୁସି କରନ୍ତି । କିନ୍ତୁ ପ୍ରଥମ ବିବାହ ବାର୍ଷିକରେ ସ୍ତ୍ରୀଙ୍କୁ ଏକେ -୪୭ ଉପହାର ଦେଇଛନ୍ତି ସ୍ବାମୀ । ଯାହାର ଫଟୋ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଏହାକୁ ନେଇ ୟୁଜର୍ସମାନେ ଭିନ୍ନ ଭିନ୍ନ କମେଣ୍ଟମାନ ମଧ୍ୟ ଦେଉଛନ୍ତି ।
ପଶ୍ଚିମବଙ୍ଗର ପୂର୍ବତନ ଟିଏମସି ନେତା ରିୟାଜୁଲ ହକ୍ ତାଙ୍କ ସ୍ତ୍ରୀଙ୍କୁ ଏକେ -୪୭ ରାଇଫଲ ଉପହାର ଦେଇଥିବାବେଳେ ସେ ଏହାକୁ ସୋସିଆଲ ମିଡିଆରେ ସେୟାର କରିଥିଲେ । ପତ୍ନୀ ସାବିନା ରାଇଫଲକୁ ଧରିଥିବାର ଫୋଟୋ ପୋଷ୍ଟ କରିବା ମାତ୍ରେ ଏହା ଭାଇରାଲ ହୋଇଥିଲା । ତେବେ ସେନା ବାହିନୀଙ୍କ ପାଖରେ ଏହି ଏକେ -୪୭ ରହିବା କଥା । କିନ୍ତୁ ତାଙ୍କ ପାଖକୁ କେମିତି ଆସିଲା ଏହାକୁ ନେଇ ୟୁଜର୍ସମାନେ ପ୍ରଶ୍ନ କରିଥିବାବେଳେ ଏହା ଏବେ ଚର୍ଚ୍ଚାର ବିଷୟ ପାଲଟିଛି । ତେବେ ଏହାକୁ ନେଇ ରିୟାଜୁଲ କହିଛନ୍ତି କି, ଏହା ଏକ ଖେଳନା ବନ୍ଧୁକ ।
[ad_2]
